Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

قازاقستاندا «ءبىرىنشى وتباسىلىق اۆتوموبيل» باعدارلاماسى ازىرلەنەدى

29 January 2022 12:35

نۇر- سۇلتان. قازاقپارات – ق ر يندۋستريا جانە ينفراقۇرىلىمدىق دامۋ مينيسترلىگى جەڭىلدەتىلگەن اۆتونەسيەلەۋ باعدارلاماسىن قايتا ىسكە قوسۋدىڭ بىرنەشە نۇسقاسىن قاراستىرىپ جاتىر، دەپ حابارلايدى قازاقپارات ءتىلشىسى.

«وتاندىق اۆتوموبيلدەردى حالىققا قولجەتىمدى ەتۋ ءۇشىن مينيسترلىك جەڭىلدىكپەن نەسيە بەرۋ باعدارلاماسىنا بيۋدجەتتەن قوسىمشا قاراجات ءبولۋ ماسەلەسىن پىسىقتاۋدا. بۇدان باسقا، پرەزيدەنتتىڭ تاپسىرماسى بويىنشا حالىققا جەڭىلدىكپەن اۆتونەسيە بەرۋدىڭ جاڭا باعدارلاماسى ازىرلەنەدى. قازىرگى ۋاقىتتا باعدارلامانى قايتا ىسكە قوسۋدىڭ بىرنەشە نۇسقاسى قاراستىرىلىپ جاتىر»، - دەلىنگەن اتالعان مينيسترلىكتىڭ اقپاراتىندا.

ۆەدومستۆو مالىمەتىنشە، ونىڭ بىرىندە كوپبالالى وتباسىلاردى، كۇش قۇرىلىمدارى قىزمەتكەرلەرىن، دارىگەرلەر مەن مۇعالىمدەردى قولداۋ جونىندە كىشى باعدارلاما قوسۋ ۇسىنىلادى. سونداي- اق «ءبىرىنشى وتباسىلىق اۆتوموبيل» كىشى باعدارلاماسىن قوسۋ مۇمكىندىگى قاراستىرىلعان.

بۇعان دەيىن ق ر يندۋستريا جانە ينفراقۇرىلىمدىق دامۋ ۆيتسە- ءمينيسترى مارات قارابايەۆ ۇستەمەسى جىلدىق 4 پايىزدان اسپايتىن، باستاپقى جارناسىز اۆتوكولىك ساتىپ الۋ مۇمكىندىگى قاراستىرىلىپ جاتقانىن ايتقان بولاتىن.

ەستەرىڭىزگە سالا كەتسەك، جەڭىلدەتىلگەن اۆتونەسيەلەۋ باعدارلاماسى 2015 -جىلى ىسكە قوسىلعان بولاتىن. ول 20 جىلعا ەسەپتەلگەن جانە «ريەۆولۆەرلىك» ادىسكە نەگىزدەلگەن. قارجىلاندىرۋدىڭ جالپى شەگى - 82 ميلليارد تەڭگە. باعدارلاما ىسكە اسىرىلعان ساتتەن باستاپ ريەۆولۆەرلىك- قايتارىمدى قاراجاتتى ەسكەرە وتىرىپ، 159 ميلليارد تەڭگەگە 30525 قارىز بەرىلدى. قازىردىڭ وزىندە 80 مىڭعا جۋىق ادام وتاندىق اۆتوكولىكتەردى ساتىپ العان. جەڭىلدىكپەن اۆتونەسيە بەرۋ باعدارلاماسىنىڭ شارتتارى:

- 1 جەڭىل اۆتوكولىك قۇنى 15 ميلليون تەڭگەدەن؛

- نەسيە مەرزىمى - 7 جىلدان؛

- سوڭعى قارىز الۋشى ءۇشىن نومينالدىق سىياقى مولشەرلەمەسى جىلدىق %4 اسپاۋى ءتيىس؛ بۇگىنگى تاڭدا وسى باعدارلامامەن ساتىپ الۋ ءۇشىن ەلىمىزدە قۇراستىرىلعان: Hyundai, KIA، JAC، Chevrolet جانە LADA سياقتى اۆتوموبيلدەر قولجەتىمدى.


Up