Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

ەركىن تۇقىموۆ ق ر پرەزيدەنتى جانىنداعى ستراتەگيالىق زەرتتەۋلەر ينستيتۋتىنىڭ ديرەكتورى بولدى

27 January 2022 11:11

نۇر- سۇلتان. قازاقپارات - مەملەكەت باسشىسىنىڭ وكىمىمەن ەركىن ۆاليتحان ۇلى تۇقىموۆ قازاقستان رەسپۋبليكاسى پرەزيدەنتىنىڭ جانىنداعى قازاقستاننىڭ ستراتەگيالىق زەرتتەۋلەر ينستيتۋتىنىڭ ديرەكتورى لاۋازىمىنا تاعايىندالدى.

قازاقپارات بۇل تۋرالى اقورداعا سىلتەمە جاساپ حابارلايدى.

بۇعان دەيىن ق. توقايەۆ زارەما كاۋكەن قىزى شاۋكەنوۆانى ق ر پرەزيدەنتى جانىنداعى قازاقستاننىڭ ستراتەگيالىق زەرتتەۋلەر ينستيتۋتىنىڭ ديرەكتورى قىزمەتىنەن بوساتقان بولاتىن.

ەركىن تۇقىموۆ 1973 -جىلى وزبەكستاندا، تەرمىز قالاسىندا تۋعان. 1997 -جىلى ۆارشاما حالىقارالىق قاتىناستار ينستيتۋتىن ۇزدىك ءبىتىرىپ، 2004 -جىلى قر عىلىم اكادەمياسىنىڭ فيلوسوفيا جانە ساياساتتانۋ ينستيتۋتىنىڭ اسپيرانتۋراسىن تامامدادى.

ەڭبەك جولىن 1997 -جىلى ق ر پرەزيدەنتى جانىنداعى قازاقستان ستراتەگيالىق زەرتتەۋلەر ينستيتۋتى سىرتقى ساياسي زەرتتەۋلەر ءبولىمىنىڭ اعا عىلىمي قىزمەتكەرى رەتىندە باستادى. 2000-2005 -جىلدارى ق س ز ي سىرتقى ساياسات ءبولىمىنىڭ مەڭگەرۋشىسى.

2005-2007 -جىلدارى ورتالىق ازيا دەموكراتيانى دامىتۋ قورىنىڭ باس ديرەكتورى بولدى.

2007-2008 -جىلدارى ق ر پرەزيدەنتى اكىمشىلىگىندە اقپاراتتىق- تالداۋ ورتالىعىنىڭ ستراتەگيالىق تالداۋ سەكتورىنىڭ مەڭگەرۋشىسى، ستراتەگيالىق ازىرلەمەلەر جانە تالداۋ ورتالىعىنىڭ ستراتەگيالىق حالىقارالىق ىقپالداستىق سەكتورىنىڭ مەڭگەرۋشىسى قىزمەتتەرىن اتقاردى.

2008 -جىلدىڭ ماۋسىمىندا ق ر سىرتقى ىستەر مينيسترلىگى ورتالىق ازيا دەپارتامەنتى ديرەكتورىنىڭ ورىنباسارى، كەيىننەن دەپارتامەنت ديرەكتورى بولدى.

2010 -جىلعى قاڭتار ايىندا قازاقستان رەسپۋبليكاسى قاۋىپسىزدىك كەڭەسى تالداۋ ءبولىمىنىڭ مەڭگەرۋشىسى بولدى.

قازاقستاننىڭ قازانداعى باس كونسۋلى لاۋازىمىنا 2018 -جىلى تاعايىندالدى. 2019 -جىلى قازاقستاننىڭ رەسەيدەگى ەلشىلىگىنىڭ كەڭەسشى- ەلشىسى بولدى. ديپلوماتيالىق دارەجەسى - قازاقستان رەسپۋبليكاسى سىرتقى ىستەر مينيسترلىگىنىڭ Ⅱسىنىپتى كەڭەسشىسى.

«ەرەن ەڭبەگى ءۇشىن»، «قازاقستان رەسپۋبليكاسىنىڭ تاۋەلسىزدىگىنە 20 -جىل» مەدالدارىمەن ماراپاتتالعان.

Up