Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

شي جينپيڭ: قازاقستان حالقى پرەزيدەنت توقايەۆتىڭ باسشىلىعىمەن جارقىن بولاشاققا جول اشادى

25 January 2022 18:13

نۇر-سۇلتان. قازاقپارات - قىتاي حالىق رەسپۋبليكاسىنىڭ ءتوراعاسى شي جينپيڭ قازاقستانداعى قاڭتار تراگەدياسى تۋرالى پىكىر ءبىلدىردى، دەپ حابارلايدى.

«ءبىزدىڭ ءبارىمىز سىرتقى كۇشتەردىڭ ايماقتاعى ءتۇرلى-ءتۇستى توڭكەرىستەردىڭ قولتىعىنا سۋ بۇركىپ، «ادام قۇقىقتارى» سىلتاۋىمەن ىشكى ىستەرىمىزگە ارالاسۋ، حالىقتارىمىزدىڭ تىنىش ءومىرىن بۇزۋ تالپىنىستارىنا ءۇزىلدى-كەسىلدى قارسى تۇرامىز. جاقىندا قازاقستاندا بولعان تارتىپسىزدىكتەر ادام ولىمىنە جانە ماتەريالدىق شىعىندارعا اكەپ سوقتىردى»، - دەگەن قىتاي باسشىسى ءوز ەلىنىڭ بۇل ىستە قازاقستان بيلىگىنىڭ شەشىمدەرىن قولدايتىنىن ايتتى.

«قازاقستاننىڭ كورشىسى ءارى دوسى بولا وتىرىپ، قىتاي قازاقستاننىڭ زورلىق-زومبىلىقتى توقتاتۋ جانە جاعدايدى تۇراقتاندىرۋ جونىندەگى كۇش-جىگەرىن بارىنشا قولدايدى. قىتاي قازاقستانعا قاجەتتى قولداۋ مەن كومەك كورسەتۋگە دايىن. پرەزيدەنت توقايەۆتىڭ سەنىمدى باسشىلىعىمەن قازاقستان حالقى جارقىن بولاشاققا جول اشاتىنىنا سەنىمدىمىن»، - دەدى شي جينپيڭ.

ايتا كەتەيىك، مەملەكەت باسشىسى قاسىم-جومارت توقايەۆ «ورتالىق ازيا - ق ح ر» سامميتىنە قاتىسۋدا.

سامميتكە ق ح ر ءتوراعاسى شي جينپيڭ، وزبەكستان پرەزيدەنتى شاۆكات ميرزيەيەۆ، قىرعىزستان پرەزيدەنتى سادىر جاپپاروۆ، تۇرىكمەنستان پرەزيدەنتى گۋربانگۋلى بەردىمۇحامەدوۆ، تاجىكستان پرەزيدەنتى ەمومالي راحمون بەينەكونفەرەنتسيا رەجيمىندە قاتىسىپ وتىر.

Up