Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

نۇرلان ءابدىروۆ ق ر ورتالىق سايلاۋ كوميسسياسىنىڭ ءتوراعاسى بولدى

25 January 2022 12:28

نۇر- سۇلتان. قازاقپارات – ق ر پرەزيدەنتى قاسىم- جومارت توقايەۆتىڭ جارلىعىمەن نۇرلان ءماجيت ۇلى ءابدىروۆ ق ر ورتالىق سايلاۋ كوميسسياسىنىڭ ءتوراعاسى لاۋازىمىنا تاعايىندالدى.

قازاقپارات بۇل تۋرالى اقورداعا سىلتەمە جاساپ حابارلايدى.

ايتا كەتەيىك، ق. توقايەۆتىڭ تاعى ءبىر جارلىعىمەن نۇرلان ءابدىروۆتىڭ سەنات دەپۋتاتى رەتىندەگى وكىلەتتىگى توقتاتىلدى. بەرىك يماشيەۆ ق ر ورتالىق سايلاۋ كوميسسياسى ءتوراعاسى قىزمەتىنەن بوساتىلعانىن بۇعان دەيىن حابارلاعان بولاتىنبىز.

ن. ءابدىروۆ 1961 -جىلعى 12 -قاڭتاردا تۋعان. ك س ر و ءىىم قاراعاندى جوعارى مەكتەبىن، كسرو ءىىم بۇكىلوداقتىق عىلىمي- زەرتتەۋ ينستيتۋتىنىڭ كۇندىزگى اديۋنكتۋراسىن (ماسكەۋ ق. )، دج. مارشالل اتىنداعى قاۋىپسىزدىك ماسەلەلەرىن زەردەلەۋ جونىندەگى ەۋروپالىق ورتالىقتا باسشىلىق قۇرامنىڭ 4 ايلىق كۋرستارىن (گەرمانيا) بىتىرگەن. زاڭگەر- قۇقىقتانۋشى. زاڭ عىلىمدارىنىڭ دوكتورى، پروفەسسور.

1982 -جىلدىڭ قىركۇيەگىنەن 1997 -جىلدىڭ ماۋسىمىنا دەيىن ءى ءى م قاراعاندى جوعارى مەكتەبىندە وقىتۋشىلىق قىزمەت اتقاردى.

1997 -جىلعى ماۋسىمنان 2000 -جىلعى مامىرعا دەيىن — قازاقستان رەسپۋبليكاسىنىڭ ەسىرتكىنى باقىلاۋ جونىندەگى مەملەكەتتىك كوميسسياسىنىڭ حاتشىسى.

2000 -جىلعى مامىردان 2002 -جىلعى قىركۇيەككە دەيىن — ق ر ناشاقورلىققا جانە ەسىرتكى بيزنەسىنە قارسى كۇرەس اگەنتتىگى ءتوراعاسىنىڭ ورىنباسارى، ق ر ادىلەت مينيسترلىگىنىڭ ناشاقورلىققا جانە ەسىرتكى بيزنەسىنە قارسى كۇرەس كوميتەتى ءتوراعاسىنىڭ ورىنباسارى.

2002 -جىلعى قىركۇيەكتەن 2005 -جىلعى ماۋسىمعا دەيىن — قاۋىپسىزدىك كەڭەسى حاتشىلىعىنىڭ مەملەكەتتىك ينسپەكتورى، قاۋىپسىزدىك كەڭەسى حاتشىلىعى قوعامدىق جانە ەكولوگيالىق قاۋىپسىزدىك ءبولىمىنىڭ مەڭگەرۋشىسى، ق ر قاۋىپسىزدىك كەڭەسى حاتشىلىعى مەڭگەرۋشىسىنىڭ ورىنباسارى.

2005 -جىلعى ماۋسىمنان 2009 -جىلعى قىركۇيەككە دەيىن — ق ر قاۋىپسىزدىك كەڭەسى حاتشىسىنىڭ ورىنباسارى - قاۋىپسىزدىك كەڭەسى حاتشىلىعىنىڭ مەڭگەرۋشىسى.

2009 -جىلعى قىركۇيەكتەن 2020 -جىلعى تامىزعا دەيىن — قازاقستان رەسپۋبليكاسى پارلامەنتى ءماجىلىسىنىڭ ءتورتىنشى، بەسىنشى، التىنشى سايلانىمدارىنىڭ دەپۋتاتى، زاڭناما جانە سوت- قۇقىقتىق رەفورما كوميتەتىنىڭ ءتوراعاسى.

2020 -جىلعى تامىزدا ق ر پرەزيدەنتىنىڭ جارلىعىمەن پارلامەنت سەناتىنىڭ دەپۋتاتى بولىپ تاعايىندالدى.

2020 -جىلعى قىركۇيەكتە قازاقستان رەسپۋبليكاسى پارلامەنتى سەناتى ءتوراعاسىنىڭ ورىنباسارى بولىپ سايلاندى. «پاراسات»، «قۇرمەت» وردەندەرىمەن، ت م د پ ا ا- نىڭ «سودرۋجەستۆو» وردەنىمەن، مەدالدارمەن ماراپاتتالعان.

Keywords: قوعام,
Up