Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

قىسقى وليمپيادانىڭ اشىلۋىندا قازاقستاننىڭ كوكبايراعىن كىم الىپ شىعادى

24 January 2022 22:44

قاراعاندى. قازاقپارات - قاراعاندىلىق كونكيشى ەكاتەرينا ايدوۆا بەيجىڭدە وتەتىن قىسقى وليمپيادا ويىندارىندا ەلىمىزدىڭ تۋىن كوتەرۋ قۇرمەتىنە يە بولدى.

كوكبايراقتى سونىمەن قاتار شورت-ترەكتەن قازاقستان قۇراماسىنىڭ كوشباسشىسى ابزال اجعاليەۆ تە كوتەرەدى، دەپ حابارلايدى قازاقپارات ءتىلشىسى.

سپورتشىلارعا قازاقستان تۋىن ەل پرەزيدەنتى قاسىم-جومارت توقايەۆ تابىس ەتتى. وليمپياداعا اتتاناتىن سپورتشىلار انت بەردى.

«قىسقى وليمپيادانىڭ اشىلۋىندا ەلىمىزدىڭ تۋىن جەلبىرەتكەن العاشقى قازاقستاندىق سپورتشى بولعانىما ماقتانامىن. كوپتەگەن ادامدار ءۇشىن بۇل وليمپيادا ويىندارى ولاردىڭ مانساپ جولدارىندا ءبىرىنشى رەت بولادى، ال كەيبىرەۋىندە باستى جارىستاردا ونەر كورسەتۋ تاجىريبەسى بار. ءبىراق ماقتانىش پەن ۇلكەن جاۋاپكەرشىلىك سەزىمى ءارقاشان بىردەي بولىپ قالادى دەپ ايتا الامىن. بەيجىڭدە ءبىز تۋعان ەلدىڭ ءۇمىتىن اقتاۋعا بار كۇش-جىگەرىمىزدى سالامىز»، - دەدى ەكاتەرينا ايدوۆا.




ەكاتەرينا ايدوۆا - ءتورت قۇرلىقتىڭ چەمپيونى. 30 جاستاعى سپورتشىنىڭ مانسابىندا بۇل ءتورتىنشى وليمپيادا ويىندارى. ونىڭ وليمپيادالىق دەبيۋتى 2010-جىلى ۆانكۋۆەردە ءوتتى. 2014-جىلى سوچيدە، 2018-جىلى پچەنحاندا وتكەن وليمپياداعا قاتىستى.

XXIV قىسقى وليمپيادا ويىندارىنا قاتىسۋعا ەكاتەرينا ايدوۆا 500، 1000، 1500 مەتر قاشىقتىقتا كونكيمەن جۇگىرۋ سپورتىندا ءۇش ليتسەنزيا جەڭىپ الدى.




ەستەرىڭىزگە سالا كەتەيىك، بەيجىڭ وليمپياداسىندا قاراعاندى وبلىسىنان تاعى ءبىر سپورتشى - 21 جاستاعى بياتلونشى ۆلاديسلاۆ كيرەيەۆ قاتىسادى.

ول قىسقى سپورت تۇرلەرى بويىنشا وبلىستىق وليمپيادالىق رەزەرۆ مەكتەبىنىڭ تاربيەلەنۋشىسى، ق ر سپورت شەبەرى جانە جاستار اراسىندا قازاقستان مەن ازيا چەمپيونى.

قىسقى وليمپيادا ويىندارىنىڭ اشىلۋ سالتاناتى 4- اقپاندا بەيجىڭدەگى ۇلتتىق ستاديوندا وتەدى.

Keywords: سپورت,
Up