Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

قازاقستان مەن قىرعىزستان اراسىندا قار بارىسىن ساتۋمەن اينالىساتىن قىلمىستىق توپ بولۋى مۇمكىن

21 January 2022 09:46

نۇر-سۇلتان.قازاقپارات - قازاقستان مەن قىرعىزستان اراسىندا قار بارىسىن زاڭسىز ساتۋمەن اينالىساتىن قىلمىستىق توپ بولۋى مۇمكىن. ءتىپتى ولار ابدەن قالىپتاسقان باعىتى بويىنشا جىرتقىشتاردىڭ تەرىسى مەن باسىن تاسىمالداپ جۇرگەن.

بۇل تۋرالى دۇنيەجۇزىلىك تابيعات قورى ورتالىعىنىڭ ازيا باعدارلاماسى باسپا ءسوز قىزمەتى حابارلادى. كەشە قىرعىزستان شەكاراشىلارى شۋ اۋماعىندا دوربا ارقالاپ، قازاقستان شەكاراسىنا قاراي بەت العان ەر ادامدى توقتاتقان. تەكسەرۋ بارىسىندا قاپتا قار بارىسىنىڭ تەرىسى مەن باس سۇيەگى بولعانى انىقتالدى. وسىعان قاراماستان اتالعان ۇيىمنىڭ ساراپشىسى ازات الامانوۆ براكونەرلىك كەيىنگى ۋاقىتتا ەداۋىر ازايعان دەگەن پىكىردە. دەگەنمەن، ول قوس ەل اراسىندا زاڭسىز اۋلانعان اڭ تەرىسى مەن سۇيەگىن وتكىزۋ بويىنشا سىبايلاسقان توپ بارىنا سەنىمدى ەكەنىن اتاپ ءوتتى. ال تابيعات جاناشىرلارىنىڭ سوزىنشە، قىرعىزستان اۋماعىندا نەبارى 300 گە جۋىق قار بارىسى قالعان.

گريگوري مازمانيانتس، دۇنيەجۇزىلىك تابيعات قورى ۇجىمىنىڭ قازاقستانداعى باسشىسى:

- شەكارا ماڭىندا بۇل ىسپەن جاپپاي اينالىساتىندار بار دەگەن شىندىققا كەلمەيدى. كەرىسىنشە سوڭعى ۋاقىتتا قار بارىسىنا قاستاندىق جاسايتىنداردىڭ قاراسى ازايعان. ءبىراق ناقتى تاپسىرما بەرۋشىلەرگە اڭنىڭ تەرىسى مەن باسى جەتكىزىلەتىن جايتتار بار. مىسالى، بىرەۋ «ناقتى وسىنشا قارجى تولەيمىن، ماعان قار بارىسىنىڭ تەرىسى كەرەك» دەسە، ونىڭ سۇرانىسىن ورىندايتىندار، براكونەرلەر تابىلادى.


www.24.kz


Keywords: ايماق,
Up