Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

قانات تايمەردەنوۆ: سودىرلار بىزگە قارۋدى تاستاپ، بەرىلىڭدەر دەدى

20 January 2022 11:22

الماتى. قازاقپارات - سودىرلار ءتارتىپ ساقشىلارىنىڭ قارۋدى تاستاپ، بەرىلۋىن تالاپ ەتكەن. بۇل تۋرالى الماتى قالالىق پوليتسيا دەپارتامەنتىنىڭ باستىعى قانات تايمەردەنوۆ ايتتى، دەپ حابارلايدى قازاقپارات ءتىلشىسى.

«5-قاڭتار كۇنى كەشكى ۋاقىتتا 7 قارۋ- جاراق دۇكەنىنە شابۋىل جاسالىپ، اسكەري قارۋ- جاراق العانى تۋرالى كەزەكشى بولىمگە جەدەل اقپارات تۇسە باستادى. ولاردىڭ ءوز قارۋى بولعانىن دا جوققا شىعارمايمىن. شامامەن وسى ۋاقىتتا، قارۋلانعان جانە دايىندىعى بار بىرنەشە توپ دەپارتامەنتتىڭ اكىمشىلىك عيماراتى مەن قالانىڭ ءار جەرىندەگى پوليتسيا باسقارمالارىنا شابۋىل جاساۋعا نيەتى بار ەكەنى جەدەل اقپارات كوزدەرىنەن بەلگىلى بولدى. ولاردىڭ ماقساتى - قارۋ- جاراق ارسەنالدارىن باسىپ الۋ بولدى. بۇل تۋرالى بىردەن ءى ءى م ەرلان تۇرعىمبايەۆقا حابارلاندى. ەلوردادا پوليتسيا عيماراتتارىن قورعاۋدىڭ ارنايى جوسپارىن دەرەۋ قولدانىسقا ەنگىزۋ تۋرالى شەشىم قابىلداندى جانە كەيىنىرەك بەلگىلى بولعانداي، بۇل شارا شىنىمەن دە دەر كەزىندە جاسالدى»، - دەدى قانات تايمەردەنوۆ.

ونىڭ ايتۋىنشا، عيماراتتاردا قارۋ- جاراقتىڭ ءىرى ارسەنالى بولعاندىقتان، ەڭ الدىمەن توتەپ بەرۋ ماڭىزدى بولدى.

«مەن بۇكىل پوليتسيا بولىمشەلەرىنىڭ باسشىلارىمەن حابارلاسىپ، ىقتيمال شابۋىلدارعا دايىن بولۋى ءۇشىن ولار مەن ولاردىڭ جەكە قۇرامى ورىندارىنا ورنىعۋىنا بۇيرىق بەردىم. راسىمەن دە، كەشكى ساعات جەتىلەر شاماسىندا قارۋلى ادامدار ءبىزدىڭ عيماراتقا جينالا باستادى. العاشىندا قورقىتىپ، بەرىلىڭدەر دەپ تالاپ ەتتى. ءبىراق ءبىز بەرىلۋدەن باس تارتقاننان كەيىن، شابۋىل باستالدى. تۇندە ءبىر عانا دەپارتامەنت عيماراتىنا 27 شابۋىل جاسالعانىن ايتقان بولاتىنبىز. تاڭعا جۋىق بىزگە كومەك كەرەك بولدى. تۇنگى ءۇش- ءتورت شاماسىندا بىزدە وق- ءدارى تاۋسىلا باستادى. ءبىز بۇل تۋرالى مينيسترگە حابارلاعانىمىزدا، ول ۇلتتىق ۇلانعا بۇيرىق بەرىپ، ولار بروندالعان ارنايى كولىكپەن بىزگە قاراي كىرىپ، وق- ءدارى جەتكىزىپ ۇلگەردى. ول كەزدە ءبىز مۇنىڭ قانشالىقتى تەز اياقتالاتىنىن تۇسىنبەدىك»، - دەيدى الماتى قالالىق پوليتسيا دەپارتامەنتىنىڭ باسشىسى قانات تايمەردەنوۆ.

Keywords: ايماق,
Up