Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

جاپپاي تارتىپسىزدىك: ۇستالعانداردىڭ كوبى ۇرلىق پەن مارودەرلىك ءۇشىن ايىپتالىپ وتىر

17 January 2022 22:25

نۇر-سۇلتان. قازاقپارات - ق ر ادام قۇقىقتارى جونىندەگى ۋاكىل ەلۆيرا ءازىموۆا ەلدەگى تارتىپسىزدىكتەر كەزىندە ۇستالعانداردىڭ كوپشىلىگى ۇرلىق پەن مارودەرلىق ءۇشىن ايىپتالىپ جاتقانىن ايتتى، دەپ حابارلايدى قازاقپارات.

«مەن سويلەسكەن تۇتقىنداردىڭ اراسىندا ءوز دەرەكتەرىن جاريا ەتۋگە، جاقىندارىنا ۇستاۋ فاكتىسى تۋرالى حابارلاۋعا قارسىلىق تانىتقاندار دا بولدى. ولار ءوز جاقىندارىنا زيان كەلتىرگىسى كەلمەيتىندەرىن جانە ۇيالاتىندارىن ايتتى. بارلىق فاكتىلەر تەكسەرىلىپ، ادىلەتتىلىك ورنايدى دەپ ۇمىتتەندى. قازىرگى ۋاقىتتا ۇستالعانداردىڭ كوپشىلىگى ۇرلىق جاساۋ مەن مارودەرلىك ءۇشىن ايىپتالىپ وتىرعانىن اتاپ وتكىم كەلەدى. بۇل فاكتىلەردى دە نازاردان تىس قالدىرۋعا بولمايدى. ۇستالعانداردىڭ اراسىندا قاراپايىم تۇرعىندار بار، ولار جاساعان ارەكەتتەرى ءۇشىن جاۋاپكەرشىلىكتى تولىق تۇسىنبەگەن»، - دەدى ەلۆيرا ءازىموۆا ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

بۇعان دەيىن سپيكەر وڭىرلەردەگى ۋاقىتشا ۇستاۋ يزولياتورلارىنا بارىپ، قاماۋعا الىنعان ازاماتتارمەن سۇحباتتاسقانىن ايتقان ەدى.

بىرنەشە كۇندە ولار 11 وڭىردەگى 34 مەكەمەگە بارعان. سونداي-اق ادام قۇقىقتارى جونىندەگى ۋاكىل تارتىپسىزدىك كەزىندە ۇستالعاندار قانداي ماسەلەلەرگە ءجيى شاعىمداناتىنىن ايتتى.

Keywords: قوعام,
Up