Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

ۇكىمەتتە ىشكى نارىقتى سۇيىتىلعان گازبەن قامتاماسىز ەتۋ ماسەلەسى قارالدى

17 January 2022 22:10

نۇر-سۇلتان. قازاقپارات - ق ر پرەمەر-ءمينيسترى ءاليحان سمايىلوۆتىڭ توراعالىعىمەن وتكەن مۇناي-گاز جانە ەنەرگەتيكا سالالارىن دامىتۋ جونىندەگى ۆەدومستۆوارالىق كوميسسيانىڭ وتىرىسىندا ىشكى نارىقتى سۇيىتىلعان گازبەن ۇزدىكسىز قامتاماسىز ەتۋ ماسەلەسى قارالدى.

قازاقپارات بۇل تۋرالى primeminister.kz سايتىنا سىلتەمە جاساپ حابارلايدى.

مەملەكەت باسشىسى قاسىم-جومارت توقايەۆتىڭ تاپسىرماسىن ورىنداۋ اياسىندا سۇيىتىلعان مۇناي گازىن (س م گ) ەلەكتروندىق ساۋدا الاڭىنان (ە س ا) تىس - جەرگىلىكتى اتقارۋشى ورگانداردىڭ وتىنىمدەرى نەگىزىندە ىشكى نارىققا جەتكىزۋ جوسپارى ارقىلى ساتۋ تۋرالى شەشىم قابىلداندى.

ق ر ىشكى نارىعىنا سۇيىتىلعان مۇناي گازىن جەتكىزۋ جوسپارىن قالىپتاستىرۋ قاعيدالارىنا مۇناي-گاز حيمياسى كاسىپورىندارىمەن جانە توپتىق رەزەرۆۋارلىق قوندىرعىلارمەن (تۇرمىستىق مۇقتاجدىقتار ءۇشىن) قاتار، س م گ- نى ە س ا- دان تىس ساتىپ الۋعا قۇقىعى بار سۋبەكتىلەردىڭ ءتىزىمىن كەڭەيتۋدى كوزدەيتىن وزگەرىستەر ەنگىزىلدى.

مۇنداي قۇقىققا اۆتوگاز قۇيۋ ستانتسيالارى، گاز جەلىسى ۇيىمدارى، گاز تولتىرۋ بەكەتتەرى، گاز تولتىرۋ ستانتسيالارى يە بولدى. ەنەرگەتيكا مينيسترلىگى سۋبەكتىلەردىڭ اتالعان جاڭا ساناتتارى ءۇشىن ەلەكتروندىق ساۋدا الاڭىنان تىس ىشكى نارىقتا سۇيىتىلعان مۇناي گازىن بولۋگە ۋاكىلەتتى. سۇيىتىلعان مۇناي گازىن كوتەرمە جانە بولشەك ساۋدادا وتكىزۋدىڭ 150 دەن استام سۋبەكتىسى جۇمىس ىستەيتىن وڭىرلەردىڭ اكىمدىكتەرى وسىنداي سۋبەكتىلەر اراسىندا سۇيىتىلعان مۇناي گازىن ءبولۋدىڭ ءوز تەتىكتەرىن ازىرلەۋگە ۋاكىلەتتى.

2021-جىلعى جەلتوقساندا جانە 2022-جىلعى قاڭتاردا بولشەك ساۋدادا وتكىزۋشىلەر ە س ا- لاردان سۇيىتىلعان گاز كولەمدەرىن كوتەرمە نارىق باعالارى بويىنشا ساتىپ الدى. بيىل 5- قاڭتاردا سۇيىتىلعان مۇناي گازىن بولشەك ساۋدادا ساتۋعا شەكتى باعالار بەلگىلەندى (وڭىرلەرگە قاراي - ءبىر ليترى ءۇشىن 50 تەڭگەدەن 70 تەڭگەگە دەيىن، شالعاي اۋدانداردا - ءبىر ليترى ءۇشىن 55 تەڭگەدەن 75 تەڭگەگە دەيىن)، سونداي-اق شەكتى كوتەرمە باعاسى ءبىر تونناسى ءۇشىن 38701 تەڭگەدەن 28000 تەڭگەگە دەيىن تومەندەدى.

Up