Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

الماتىلىقتار وتكىر گاز يىسىنە شاعىمداندى

17 January 2022 16:28

الماتى. قازاقپارات- «112» جەلىسىنە الماتى قالاسىنىڭ المالى، اۋەزوۆ جانە بوستاندىق اۋداندارىنىڭ تۇرعىندارىنان ءۇي مەن پاتەرلەردە گازدىڭ ءيىسى شىعىپ تۇرعانى تۋرالى شاعىمدار كەلىپ ءتۇسىپ جاتىر.

ونىڭ سەبەبىن «ينتەرگاز ورتالىق ازيا» ا ق ءتۇسىندىردى، دەپ حابارلايدى قازاقپارات ءتىلشىسى. «قازىرگى ۋاقىتتا بارلىق حابارلامالاردى پىسىقتاۋ ءۇشىن گاز قىزمەتىنىڭ 7 اپاتتىق بريگاداسى ىسكە قوسىلدى»، - دەپ حابارلادى كومپانيادان.

«ينتەرگاز ورتالىق ازيا» ا ق الماتى قالاسى بويىنشا ماگيسترالدىق گاز قۇبىرلارى باسقارماسىنىڭ دەرەگىنە سەنسەك، 16- قاڭتاردا تەمپەراتۋرانىڭ 15+-قا دەيىن جالپى نورمادان اۋىتقىپ، كوتەرىلۋىنە بايلانىستى گاز تىعىزدىعى ارتقان. ول سىرتقا شىعاتىن گازدىڭ ازايۋىنا اكەپ سوقتى. سونىمەن قاتار، ءيىس شىعارۋ قىسقى رەجيمدە ساقتالدى.

«العاش كەلىپ تۇسكەن وتىنىمدەردەن كەيىن شىعاتىن قىسىمدى تومەندەتۋ، سونداي- اق ءيىس شىعارۋ نورماسىن تومەندەتۋ تۋرالى شەشىم قابىلداندى. بۇل رەتتە بارلىق ءوتىنىم بويىنشا ازاماتتاردىڭ ءومىرى مەن دەنساۋلىعىنا قاۋىپ توندىرەتىندەي گاز شىققان جوق. ودورانت فيزيولوگيالىق تۇرعىدان زيانى جوق. قازىرگى ۋاقىتتا گازدى رەتتەۋ جۇمىستارى قولمەن باسقارىلادى»، - دەلىنگەن حابارلامادا. گازبەن جابدىقتاۋدا پروبلەمالار تۋىنداعان جاعدايدا، «104» نومىرىنە اۆاريالىق قىزمەتكە جۇگىنۋ قاجەت.

اۆتور: الما مۇقانوۆا


Keywords: قوعام,
Up