Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

بيىل - بالالار ادەبيەتى جىلى

13 January 2022 08:07

نۇر-سۇلتان.قازاقپارات -مەملەكەت باسشىسى قاسىم- جومارت توقايەۆ 2022 -جىلدى «بالالار جىلى» دەپ جاريالاعان بولاتىن.

وسىعان وراي مادەنيەت جانە سپورت مينيسترلىگىنىڭ بىلتىرعى باستاماسى - «بالالار ادەبيەتى جىلى» بيىل دا جالعاسىن تاۋىپ وتىر.

بالالار جىلىنا وراي ۇلتتىق اكادەميالىق كىتاپحانادا «ماڭگىلىك ەل قۇندىلىقتارى. ارداق تۇتار الىپتارى»، «مەنىڭ سۇيىكتى كىتاپتارىم» اتتى كىتاپ كورمەلەرى اشىلدى.

ءىس- شارا ۇلتتىق قۇندىلىقتاردى جاڭعىرتۋ، دارىپتەۋ، ەل رۋحانياتىن كوتەرگەن تۇلعالاردىڭ تاعىلىمدى شىعارماشىلىعىمەن تانىستىرۋ جانە «2022 - بالالار جىلىنا» وراي بالالارعا ارنالعان ادەبيەتتەردى ناسيحاتتاۋ ماقساتىندا ۇيىمداستىرىلىپ وتىر.

كورمەدە يۋنەسكو- نىڭ مەرەيتويلار تىزىمىنە ەنگەن احمەت بايتۇرسىن ۇلىنىڭ تۋعانىنا 150 جىل، روزا باعلانوۆانىڭ تۋعانىنا 100 جىل، مۇحتار اۋەزوۆتىڭ تۋعانىنا 125 جىل، عابيت مۇسىرەپوۆ پەن عابيدەن ءمۇستافيننىڭ تۋعانىنا 120 جىل، كۇلاش بايسەيىتوۆانىڭ تۋعانىنا 110 جىل، سونىمەن قاتار نۇر- سۇلتان قالاسىنىڭ قۇرىلعانىنا 25 جىل مەن كوپتەگەن زيالى قاۋىم وكىلدەرى مەن قوعام قايراتكەرلەرىنىڭ قازاق ادەبيەتى تاريحىنا قوسقان ەڭبەكتەرى ناسيحاتتالدى.

ماسەلەن، «ماڭگىلىك ەل قۇندىلىقتارى. ارداق تۇتار الىپتارى» اتتى كىتاپ كورمەسى بىرنەشە بولىمنەن قۇرالعان. «رامىزدەر - ەلدىگىمىزدىڭ ەڭسەسى، تەڭدىگىمىزدىڭ تىرەگى» اتتى بولىمدە مەملەكەتتىك رامىزدەر - ەلتاڭبا، تۋ مەن گيمننىڭ قابىلدانعانىنا 30 جىل جانە «ەل جۇرەگى - ەلوردا» اتتى بولىمدە ەلوردا نۇر- سۇلتان قالاسىنا 25 جىل تولۋ مەرەيتويلارىنا وراي مەملەكەتتىك نىشاندار مەن ەلوردا تاريحى تۋرالى ادەبيەتتەر مەن ەڭبەكتەر قويىلدى.

ال «ۇلتتىڭ ۇلى ۇستازى» اتتى بولىمدە ادەبيەت زەرتتەۋشى عالىم احمەت بايتۇرسىن ۇلىنىڭ 150 جىلدىق مەرەيتويىنا وراي ەل ءۇشىن ايانباي اتقارعان قىزمەتتەرى مەن ەڭبەكتەرى جايىندا دەرەكتەر بەرىلەدى. سونداي- اق «قازاق ادەبيەتىنىڭ الىپتارى» اتتى بولىمدە كەڭەستىك داۋىردە قازاق ادەبيەتىنىڭ التىن عاسىرىن قالىپتاستىرۋدا اۋقىمدى پروزا جانرىن دامىتقان ادەبيەت الىپتارى مۇحتار اۋەزوۆتىڭ 125، عابيت مۇسىرەپوۆ پەن عابيدەن مۇستافيننىڭ 120 جىلدىق مەرەيتويلارىنا وراي تىڭ دەرەكتەر مەن شىعارمالارى جايىندا اقپاراتتار قۇرايدى. بۇدان بولەك تاعى بىرنەشە ءبولىم بار.

كىتاپ كورمەسى بارىسىندا 2022 ت م د حالىق شىعارماشىلىعى جانە مادەني مۇرا جىلى دەپ جاريالانۋىنا وراي ون ءبىر مەملەكەتتىڭ مادەنيەتىن، تاريحىن، ءداستۇرىن دارىپتەيتىن ادەبيەتتەر ۇسىنىلدى.

ءىس- شاراعا زيالى قاۋىم وكىلدەرى مەن جۋرناليستەر قاتىستى.

egemen.kz


Up