Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

ەلباسى قىرعىزستان مينيسترلەر كابينەتىنىڭ ءتوراعاسىن قابىلدادى

8 December 2021 21:59

نۇر-سۇلتان. قازاقپارات - ەلباسى نۇرسۇلتان نازاربايەۆ قىرعىزستان پرەزيدەنتى اكىمشىلىگىنىڭ باسشىسى - مينيسترلەر كابينەتىنىڭ ءتوراعاسى اقىلبەك جاپاروۆتى قابىلدادى، دەپ حابارلايدى قازاقپارات قازاقستاننىڭ تۇڭعىش پرەزيدەنتىنىڭ رەسمي سايتىنا سىلتەمە جاساپ.

كەزدەسۋدە نۇرسۇلتان نازاربايەۆ قازاقستان مەن قىرعىزستاننىڭ باۋىرلاس حالىقتارىنىڭ تاريحي جاقىندىعىن اتاپ ءوتتى.

قازاقستاننىڭ تۇڭعىش پرەزيدەنتى ەكى مەملەكەت اراسىنداعى مادەني-گۋمانيتارلىق بايلانىستى نىعايتا ءتۇسۋدىڭ ماڭىزدىلىعىنا نازار اۋداردى. وسى ورايدا ەلباسى قىرعىزستان جاستارىنىڭ ەلىمىزدەگى جوعارى وقۋ ورىندارىندا ءبىلىم الۋى ءۇشىن گرانت ءبولۋ مۇمكىندىگى تۋرالى ايتتى.

قىرعىز رەسپۋبليكاسى مينيسترلەر كابينەتىنىڭ ءتوراعاسى نۇرسۇلتان نازاربايەۆقا قىرعىزستان حالقىنا ءاردايىم قولداۋ كورسەتىپ كەلە جاتقانى ءۇشىن العىسىن ءبىلدىرىپ، قىرعىز رەسپۋبليكاسىنىڭ پرەزيدەنتى سادىر جاپاروۆتىڭ ىزگى تىلەگىن جەتكىزدى.

سونىمەن قاتار اقىلبەك جاپاروۆ تۇڭعىش پرەزيدەنتتىڭ باسشىلىعىمەن تاۋەلسىزدىك جىلدارىندا قازاقستاننىڭ قول جەتكىزگەن تابىستارىنا ەرەكشە توقتالىپ، ەلباسىنىڭ ەكى ەل حالىقتارى اراسىنداعى تاتۋ كورشىلىك قارىم-قاتىناستى نىعايتۋعا قوسقان زور ۇلەسىن اتاپ ءوتتى.

Up