Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

الەمدەگى ەڭ كوپ الكوگول ىشەتىن ەل اتالدى

6 December 2021 12:55

نۇر-سۇلتان. قازاقپارات - ەسىرتكى مەن الكوگول تۋرالى جاھاندىق زەرتتەۋدىڭ قورىتىندىسى بويىنشا اۋستراليا الەمدەگى ەڭ كوپ ىشەتىن ەل بولىپ تانىلدى، - دەپ حابارلايدى Daily Mail.

زەرتتەۋگە سايكەس، 2021 -جىلى اۋستراليا تۇرعىندارى ءبىر جىلدا ورتا ەسەپپەن 27 رەت ءىشىپ ماسايعان، بۇل الەمدىك ورتاشا كورسەتكىشتەن ەكى ەسەگە جۋىق. ساۋالناما اۆستراليالىقتاردىڭ اپتاسىنا ورتا ەسەپپەن ەكى رەت ىشەتىنىن كورسەتتى.

تۇتىنىلاتىن الكوگول مولشەرى بويىنشا رەيتينگتە ەكىنشى ورىندى - دانيا، ءۇشىنشى ورىندى فينليانديا الدى. ۇلى بريتانيا مەن امەريكا قۇراما شتاتتارىنىڭ تۇرعىندارى دا الەمدەگى ەڭ كوپ ىشەتىن ەلدەردىڭ بەستىگىنە ەندى.

يرلانديالىقتار ىشكەن الكوگول مولشەرىنە ەڭ كوپ وكىنەتىن ەلدەر قاتارىنا كىردى. سونىمەن قاتار، ساۋالناماعا قاتىسۋشىلار «تىم كوپ جانە تىم تەز ىشكەنىنە» وكىنىش ءبىلدىردى.

الكوگولدى تۇتىنۋ جيىلىگى بويىنشا فرانسيا كوش باستادى، ەل تۇرعىندارى ءبىر جىلدا ىشىمدىك ىشكەن كۇندەردىڭ سانى كەم دەگەندە 132 كۇن ەكەنىن مويىندادى. ەكىنشى ورىندا 120 كۇنمەن - جاڭا زەلانديا، ودان كەيىن نيدەرلاندى - 112 كۇن.

ساۋالناماعا جاۋاپ بەرۋشىلەردىڭ كوبى Covid-كە قاتتى الاڭداعاننان ىشكەندەرىن جازعان.

Keywords: الةم,
Up