Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

قاسىم-جومارت توقايەۆ قىرعىزستان پرەزيدەنتى سادىر جاپاروۆتى قۇتتىقتادى

6 December 2021 11:36

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ قىرعىزستان پرەزيدەنتى سادىر جاپاروۆپەن تەلەفون ارقىلى سويلەستى، دەپ حابارلايدى قازاقپارات اقورداعا سىلتەمە جاساپ.

قاسىم-جومارت توقايەۆ قىرعىز رەسپۋبليكاسىنىڭ پرەزيدەنتى سادىر جاپاروۆتى تۋعان كۇنىمەن قۇتتىقتاپ، يگىلىكتەر مەن ونىڭ جاۋاپتى مەملەكەتتىك قىزمەتىنە تابىس تىلەدى.

قاسىم-جومارت توقايەۆ قىرعىزستاننىڭ جوعارعى كەڭەسىنە سايلاۋدىڭ ءساتتى وتكەنىنە قولداۋ ءبىلدىرىپ، پارلامەنتتىڭ جاڭا قۇرامى مەملەكەتتىڭ تۇراقتى دامۋىنا قوماقتى ۇلەس قوساتىنىنا جانە قازاق- قىرعىز دوستىعىن، تاتۋ كورشىلىك پەن وداقتاستىقتى ودان ءارى نىعايتۋعا ىقپال ەتەتىنىنە سەنىم ءبىلدىردى.

ەكى ەلدىڭ باسشىلارى ساۋدا- ەكونوميكالىق، ينۆەستيتسيالىق جانە مادەني- گۋمانيتارلىق ىقپالداستىقتى تەرەڭدەتۋگە باعىتتالعان ۋاعدالاستىقتاردىڭ ىسكە اسىرىلۋ بارىسىن تالقىلادى.

Keywords: الةم,
Up