Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

قازاقتىڭ قۇرتىنا شەتەلدىكتەر نەگە قۇمار

3 December 2021 16:02

نۇر- سۇلتان. قازاقپارات - شەتەلدىكتەر كادىمگى قۇرتقا قۇمار. نەگىزىنەن كورەيا، بىرىككەن اراب امىرلىكتەرى مەن تۇركيالىقتار. بۇل ەلدەر قازاقتىڭ قۇرتىن الىستان اتتاي قالاپ الدىرادى، دەپ حابارلايدى «حابار 24».

ەلورداداعى الاقانداي ءبىر عانا سەح ايىنا 150 كەلى قۇرت ەكسپورتتايدى. ەلدى قىزىقتىراتىن مۇنداي الەۋمەتتىك جوبانى مەملەكەت تە قولدايدى. اشىلعانىنا ءبىر جىل دا بولماعان شاعىن سەحتىڭ الەۋەتى ارتىپ كەلەدى. مۇندا ايىنا 300 كەلىدەي قۇرت وندىرىلەدى. ونىڭ تەڭ جارتىسى - ەكسپورتىق ءونىم.

داۋرەنبەك ورازايەۆ، قۇرت ءوندىرۋ سەحىنىڭ جەتەكشىسى:

- كورەيانىڭ ءۇش قالاسىنا، سوسىن دۋباي، تۇركيانىڭ انتاليا، ىستامبۇل قالاسىنا كەتىپ وتىر. الداعى ۋاقىتتا يزرايلگە شىعامىز با دەپ وتىرمىز. قۇجاتتاردى ۇسىندىق، شەشىمدى كۇتىپ وتىرمىز. ءبىر قۇرتتىڭ سالماعى 18 گرام، ەكولوگيالىق قاعازعا سالامىز.

قاز قاتار جايىلعان اپپاق قۇرتتار. ەلوردا ماڭىنداعى ءىرى ءسۇت زاۋىتتارىنان الىنعان تازا سۇزبە وسى جەردە سىعىلىپ، قالىپقا كەلتىرىلەدى. اكىمدىك قولداعان الەۋمەتتىك جوبا اياسىندا ەكى اسپاز جۇمىسقا الىندى. ولار كۇندەلىكتى 50-60 كەلى قۇرتتى قولمەن جايادى. ءبىراق شارشامايدى.

راشيدا داۋلەتوۆا، اسپاز:

- ءبارى اق. جولىمىز دا اق. ءوزىمىزدىڭ ۇجىمىمىز دە جاقسى. ادەمى قۇرت ىستەسەڭ، ءوزىڭ دە ادەمى بولاسىڭ. شاعىن سەحتىڭ ونىمدەرى وڭىرلەردە دە سۇرانىستا. ساپالى قۇرتتار اي سايىن 7 وبلىسقا جەتكىزىلەدى.

ەلىمىزدە ءسۇت ونىمدەرىن ساتىپ، كاسىبىن دوڭگەلەتىپ وتىرعاندار از ەمەس. باتىس قازاقستانداعى نيەتقابىلوۆتار وتباسى قۇرتتان تۇسكەن قارجىعا ءزاۋلىم ءۇي سالىپ الدى. ونىڭ جانىنان سەح اشىپ، جىلدىق قۋاتتى ەسەلەپ وتىر. شارۋا باققان اعايىندى سارىقۇدىق اۋىلى عانا ەمەس، ءوڭىر حالقى جاقسى تانيدى.

دۋلات نيەتقابىلوۆ، وبلىس تۇرعىنى:

- بالالارىمىزدى دا سوعان ۇيرەتىپ، كىشكەنە قاي جاعىنان بولسىن، ەڭبەككە جاقىن بولعانى جاقسى عوي. وسى بالالار ءبارى دە مال باعادى. ءوزىمىز ساۋامىز. قىستا از بولادى، سيىر سۋالادى، ءبىراق ەندى كەش تۋاتىندارى دا بولادى. مىنە سولاردى الىپ قالامىز. وندا دا قۇرتتى توقتاتپايمىز.

قۇرتتىڭ ەش قوسپاسىز تابيعي ونىمنەن جاسالعانى ابزال. ساقتاۋ مەرزىمى دە ۇزاق بولماۋى كەرەك.

التىناي قاسىمحانوۆا، نۋتريتسيولوگ- ديەتولوگ:

- ۇزاق ۋاقىت ساقتالعان قۇرتتار بولسا، وعان اباي بولۋ كەرەك. سەبەبى ىشىندە ساڭىراۋقۇلاقتىڭ سپورالارى بولۋى مۇمكىن. سوعان دا كوڭىل بولگەن ءجون. ودان زيان ءسىزدىڭ اعزاداعى ءتۇرلى اۋرۋعا قۇمار بولادى دا، يممۋنيتەت ناشارلاپ، ءتۇرلى اۋرۋلار پايدا بولادى. ءسۇت ءونىمىنىڭ ادام اعزاسىنا پايداسى زور. ارتىق مايدى ىدىراتادى، قان تازالىعىن قامتاماسىز ەتەدى. ءتىس پەن سۇيەكتىڭ بەرىكتىگىنە سەپ. دارۋمەنگە باي ءونىم ۇلتتىڭ برەندىنە اينالۋى مۇمكىن.


Keywords: قوعام,
Up