Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

تاريح ءپانى التىن وردا تۋرالى تىڭ دەرەكتەرمەن تولىقتىرىلادى - داۋرەن ابايەۆ

28 October 2021 14:55

اتىراۋ. قازاقپارات - مەملەكەت باسشىسى «التىن وردا» تاقىرىبىن ناسيحاتتاۋ بويىنشا ءبىرقاتار باستامالاردى ماقۇلدادى.

بۇل تۋرالى اتىراۋدا ءوتىپ جاتقان «ۇلىق ۇلىس - التىن وردا» اتتى حالىقارالىق عىلىمي- پراكتيكالىق كونفەرەنسيادا ق ر پرەزيدەنتى اكىمشىلىگى باسشىسىنىڭ ءبىرىنشى ورىنباسارى داۋرەن ابايەۆ ايتتى، دەپ حابارلايدى قازاقپارات ءتىلشىسى.

«ولاردى كەلەسى جىلدان باستاپ جۇزەگە اسىرۋىمىز قاجەت.

ءبىرىنشى، شەتەل ارحيۆتەرىندەگى التىن ورداعا قاتىستى ماتەريالداردى ىزدەۋ جۇمىسىن كۇشەيتۋ؛

ەكىنشى، رەسپۋبليكا اۋماعىنداعى التىن وردا قالالارىن قايتا قالپىنا كەلتىرىپ، سونىڭ نەگىزىندە تاريحي- ماتەريالدىق كەشەن قۇرۋ بويىنشا جوسپار دايىنداۋ؛

ءۇشىنشى، عىلىمي مونوگرافيالاردىڭ شىعۋىن پىسىقتاۋ»، - دەگەن ول جوشى، بەركە، وزبەك حانداردىڭ تاريحي ءرولىن تەرەڭىرەك زەرتتەۋ كوزدەلىپ وتىرعانىن اتادى.

«ءتورتىنشى، «ۇلىق ۇلىس» ەنسيكلوپەدياسىنىڭ شىعۋىن پىسىقتاپ، ۋيكيپەدياداعى التىن وردا تاقىرىبىنا قاتىستى قازاق، ورىس، اعىلشىن تىلىندەگى كونتەنتتى جاڭالاۋ؛

بەسىنشى، ۇلىق ۇلىستىڭ جوشىدان كەنەسارىعا دەيىنگى حاندارى تۋرالى، التىن وردانىڭ رۋحاني جانە ماتەريالدىق مادەنيەتى، قالالارى مەن ساۋدا ساياساتى جايلى دەرەكتى فيلمدەر سەرياسىن شىعارۋ ماسەلەسىن پىسىقتاۋ؛

التىنشى، التىن وردالىق ەپوستار جەلىسىمەن بالالارعا ارنالعان ەرتەگىلەردىڭ شىعۋىن قامتاماسىز ەتۋ؛

جەتىنشى، التىن وردا تاقىرىبى بويىنشا اشىلعان تىڭ دەرەكتەردى ەسكەرە وتىرىپ، مەكتەپ جانە جوعارعى وقۋ ورنىنداعى قازاقستان تاريحى ءپانى باعدارلاماسىنىڭ مازمۇنىن وزەكتەندىرۋ»، - دەدى داۋرەن ابايەۆ.

اۆتور: ەسىمجان ناقتىباي


Up