Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

الماتى وبلىسىندا جاپپاي توبەلەستەن كەيىن ءبىر توپ ادام ءۇي مەن كولىكتەردىڭ تەرەزەسىن سىندىردى

28 October 2021 11:23

نۇر- سۇلتان. قازاقپارات - الماتى وبلىسىنىڭ پانفيلوۆ اۋدانى پەنجىم اۋىلىندا بۇزاقىلار بىرنەشە ءۇي مەن كولىكتىڭ تەرەزەسىن سىندىرعان، دەپ حابارلايدى قازاقپارات ءتىلشىسى.

الماتى وبلىستىق پوليتسيا دەپارتامەنتىنىڭ مالىمەتىنشە، 27 -قازان كۇنى ساعات 20:00 كەزىندە 102 پۋلتىنە پەنجىم اۋىلىنداعى وقۋشىلار اراسىنداعى توبەلەسكە قاتىسقانداردىڭ ءبىرىنىڭ ءۇيىنىڭ جانىنا 30-عا جۋىق ادامنىڭ جينالعان. ءبىر توپ ادام بىرنەشە جەكە ءۇيدىڭ، سونىمەن قاتار اۆتوكولىكتەردىڭ تەرەزەسىنە شاققان.

«اتالعان فاكتى بويىنشا ق ر قىلمىستىق كودەكسىنىڭ 293-بابى 2-تارماعىمەن قىلمىستىق ءىس قوزعالدى»، - دەپ اتاپ وتەدى دەپارتامەنتتەن.

سونداي- اق ءدال سول كۇنى ساعات 22:45-تە پانفيلوۆ اۋداندىق پوليتسيا بولىمىنە پەنجىم اۋىلىنىڭ جاڭا قۇرىلىس اۋدانىنداعى ءۇيدىڭ ورتەنىپ جاتقانى تۋرالى حابارلاما تۇسكەن. وقيعا ورنىنا اۋداندىق پوليتسيا جانە توتەنشە جاعدايلار بولىمدەرىنىڭ قىزمەتكەرلەرى بارعان.

«ءۇي يەلەرىنىڭ ايتۋىنشا، ءورتتىڭ شىعۋىنا پەشتەگى اقاۋ سەبەپ بولعان. ساعات شامامەن 23:30-دا ءورت ءسوندىرىلدى. زارداپ شەككەندەر جوق. بۇل ءورتتىڭ وعان دەيىن ورىن العان وقيعاعا قاتىسى جوق. اۋىلدا قوعامدىق ءتارتىپ قامتاماسىز ەتىلگەن، جاعداي باقىلاۋدا تۇر. الماتى وبلىستىق پوليتسيا دەپارتامەنتى جالعان اقپارات تاراتقانى ءۇشى قىلمىستىق جاۋاپكەرشىلىك كوزدەلگەنىن ەسكەرتەدى»، - دەدى ۆەدومستۆودان.

بۇعان دەيىن الماتى وبلىسىنىڭ پانفيلوۆ اۋدانى پەنجىم اۋىلىندا جاپپاي توبەلەس بولىپ، ءبىر جاسءوسپىرىم اۋرۋحاناعا تۇسكەنىن حابارلاعان ەدىك.


Keywords: ايماق,
Up