Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

يتتەردى توبەلەستىرۋ مەن جانۋارلارعا قاتىگەزدىك جاساۋعا توسقاۋىل قوياتىن تالاپتار كۇشەيتىلەدى

27 October 2021 12:25

نۇر-سۇلتان. قازاقپارات - پارلامەنت ءماجىلىسىنىڭ جالپى وتىرىسىندا «جانۋارلارعا جاۋاپكەرشىلىكپەن قاراۋ تۋرالى» زاڭ جوباسى ءبىرىنشى وقىلىمدا ماقۇلداندى، دەپ حابارلايدى قازاقپارات ءتىلشىسى.

زاڭ جوباسىنىڭ ماقساتى - جانۋارلارعا قاراۋدى قۇقىقتىق رەتتەۋ جانە ولارعا ىزگىلىكپەن قاراۋ. قۇجات ازاماتتاردىڭ ادامگەرشىلىك تاربيەسىنىڭ يدەولوگياسىن، اتاپ ايتقاندا، جانۋارلاردى ۇستاۋدىڭ مورالدىق جانە ادامگەرشىلىگىنىڭ نەگىزگى پرينسيپتەرىن قالىپتاستىرادى.

«اتالعان پرينسيپتەردى ىسكە اسىرۋ ءۇشىن تالاپتار مەن قاعيدالاردى بەلگىلەۋ ارقىلى وسى قۇقىقتىق قاتىناستاردىڭ مەملەكەتتىك رەتتەۋ مەحانيزمدەرى دە بەكىتىلدى. سونىڭ ىشىندە جانۋارلاردى اسىراۋعا جانە تاسىمالداۋعا، سونداي-اق وسىرۋگە جانە ۆەتەريناريالىق قىزمەتتەر كورسەتۋگە قويىلاتىن جالپى تالاپتار، جانۋارلارعا قاتىگەزدىكپەن قاراۋدى ناسيحاتتاۋعا تىيىم سالۋ قاراستىرىلعان»، - دەدى ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشەۆ، بۇدان باسقا، زاڭ جوباسىندا جەكەلەگەن ساناتتاعى جانۋارلارعا قاراۋ جانە اسىراۋ كەزىندەگى تالاپتار انىقتالعان.

سونداي-اق، وسى سالاداعى قوعامدىق باقىلاۋ ينستيتۋتىن الاڭداۋشىلىق تانىتاتىن ازاماتتارمەن جانە قوعامدىق ۇيىمدارمەن قالىپتاستىرۋ كوزدەلگەن.

«چيپتەۋ» دەگەنگە قاتىستى، زاڭ جوباسى ءۇي جانۋارلارىن ەسەپكە الۋ ءونىمىن (قۇرالىن) يەلەرى ەسەبىنەن اقىلى نەگىزدە پايدالانا وتىرىپ، ءۇي جانۋارلارىن مىندەتتى ەسەپكە الۋدى ەنگىزەدى. بۇدان باسقا، وسى ايتىلعانداردى جوسپارلى ىسكە اسىرۋ جانە ءۇي جانۋارلارىن ەسەپكە الۋدى جۇزەگە اسىراتىن ۇيىمدارعا، سونداي-اق ولاردىڭ يەلەرىنە ءبىرجولعى جاپپاي جۇكتەمەنى بولدىرماۋ ماقساتىندا زاڭ جوباسىندا ءۇي جانۋارلارىن مىندەتتى ەسەپكە الۋ بويىنشا كەيىنگە قالدىرۋ نورماسى كوزدەلگەن (2023 -جىلعى 1-قىركۇيەكتەن باستاپ)»، - دەدى مينيستر.

ونىڭ ايتۋىنشا، قۇجات جانۋارلارعا قاتىستى جاعىمسىز كورىنىستەرگە توسقاۋىل قويادى: يتتەردى توبەلەستىرۋ، انەستەزياسىز ۆەتەريناريالىق وپەراتسيا جاساۋ، جانۋارلاردى جازىقسىز ءولتىرۋ، جانۋارلاردى السىرەتۋ جانە ولارعا ۋاقتىلى كومەك كورسەتپەۋ، قاتىگەزدىكپەن اۋلاۋ ارەكەتتەرى جاتادى.

«جانۋارلاردى جاۋاپكەرشىلىكپەن قاراۋ تۋرالى» زاڭ جوباسىن قابىلداۋ بارلىق تىرشىلىك يەلەرىنە ادامگەرشىلىك پەن ىزگىلىكتى تاربيەلەۋگە مۇمكىندىك بەرەدى دەپ سانايمىز. بۇگىن ءبىز جانۋارلاردى قورعاۋ مىندەتىن شەشىپ قانا قويماي، بولاشاق ۇرپاق ءۇشىن ۆەكتور ورناتامىز»، - دەيدى ۆەدومستۆو باسشىسى.

سونىمەن قاتار، جالپى وتىرىستا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جانۋارلارعا جاۋاپكەرشىلىكپەن قاراۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى»، «ق ر اكىمشىلىك قۇقىق بۇزۋشىلىق تۋرالى كودەكسىنە جانۋارلارعا جاۋاپكەرشىلىكپەن قاراۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» ىلەسپە زاڭ جوبالارى دا ءبىرىنشى وقىلىمدا ماقۇلداندى.


اۆتور: رۋسلان عابباسوۆ


Keywords: ايماق,
Up