Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

تۇرىكمەنستان پرەزيدەنتى اشحابادتا ابايعا ەسكەرتكىش ورناتۋدى ۇسىندى

26 October 2021 20:43

اشحاباد. قازاقپارات - تۇرىكمەنستان پرەزيدەنتى گۋربانگۋلى بەردىمۇحامەدوۆ اشحابادتا ۇلى ابايعا ەسكەرتكىش ورناتۋ ۇسىنىسىن جاسادى، دەپ حابارلايدى قازاقپارات.

قازاقستان پرەزيدەنتىنىڭ باسپا ءسوز حاتشىسى بەرىك ءۋاليدىڭ جازۋىنشا، تۇرىكمەن ەلىنىڭ باسشىسى مۇنداي ۇسىنىستى ق ر پرەزيدەنتى قاسىم-جومارت توقايەۆتىڭ تۇرىكمەنستانعا مەملەكەتتىك ساپارى بارىسىندا جاسادى.

«پرەزيدەنت قاسىم-جومارت توقايەۆتىڭ تۇرىكمەنستانعا مەملەكەتتىك ساپارى بارىسىندا وسى ەلدىڭ كوشباسشىسى گۋربانگۋلى بەردىمۇحامەدوۆ اشحابادتا قازاقتىڭ ۇلى اقىنى اباي قۇنانباي ۇلىن ۇلىقتاۋعا ۇسىنىس جاسادى. تۇرىكمەنستان پرەزيدەنتىنىڭ پىكىرىنشە، ابايدىڭ ءمۇسىنى ەكى حالىقتىڭ جوعارى ادامگەرشىلىككە نەگىزدەلگەن رۋحاني باعدارىن، سونداي-اق ەلدەرىمىز اراسىنداعى دوستىق پەن ىنتىماقتاستىقتىڭ شىنايى كورىنىسىن ايعاقتايدى»، - دەپ جازادى ب. ءۋالي.

قاسىم-جومارت توقايەۆ بۇل باستامانى تولىق قولداپ، ريزاشىلىعىن بىلدىرگەن.

«ابايدىڭ قاسيەتتى تۇرىكمەن جەرىندە ۇلىقتالۋى - بارشا قازاق حالقى ءۇشىن اقجولتاي جاڭالىق»، - دەدى قازاقستان پرەزيدەنتى.

ەسكە سالايىق، 24-25- قازاندا قازاقستان پرەزيدەنتى قاسىم-جومارت توقايەۆ تۇرىكمەنستان پرەزيدەنتى گۋربانگۋلى بەردىمۇحامەدوۆتىڭ شاقىرۋى بويىنشا مەملەكەتتىك ساپارمەن اشحابادقا باردى.

شاعىن قۇرامداعى كەلىسسوزدەن كەيىن، كەڭەيتىلگەن فورماتتا ەكىجاقتى كەلىسسوزدەر ءوتتى.

كەيىن قوس مەملەكەتتىڭ باسشىلارى ب ا ق وكىلدەرى ءۇشىن بريفينگ وتكىزدى.

ق. توقايەۆتىڭ اشحابادقا ساپارى بويىنشا ۆيدەوشولۋ جاريالاندى.

Up