Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

ەلوردادا جالعا بەرىلەتىن تۇرعىن ءۇي باعدارلاماسىنا ءوتىنىم قابىلداۋ قاراشادا باستالادى

26 October 2021 18:01

نۇر- سۇلتان. قازاقپارات - بيىل ەلوردادا 29 جاسقا دەيىنگى جۇمىس ىستەيتىن جاستارعا ساتىپ الۋ قۇقىعىنسىز جالعا بەرىلەتىن تۇرعىن ءۇي الۋعا وتىنىمدەر قاراشا ايىندا باستالادى، دەپ حابارلايدى قازاقپارات تۇرعىن ءۇي قورىنا سىلتەمە جاساپ.

قۇجاتتاردى تاپسىرۋ مەرزىمى جانە قۇجاتتار قابىلداناتىن پورتال تۋرالى اقپارات نۇر- سۇلتان قالاسىنىڭ تۇرعىن ءۇي قورىنىڭ ينتەرنەت- رەسۋرستارىندا الدىن الا جاريالانادى.

ەستەرىڭىزگە سالا كەتەيىك، باعدارلاما اياسىندا تۇرعىن ءۇي تەك جۇمىس ىستەيتىن جاستارعا 5 جىلعا بەرىلەدى، وسى مەرزىم اياقتالعاننان كەيىن پاتەردى بوساتۋ قاجەت بولادى. سوندىقتان، ءوتىنىش بەرۋشى ىرىكتەۋدەن ءوتىپ، جالعا بەرىلەتىن ۇيگە يە بولسا، بەس جىل ىشىندە ءوز باسپاناسىنا باستاپقى جارنا سوماسىن جيناۋى كەرەك. تۇرعىن ءۇي ءۇشىن اي سايىنعى جالداۋ اقىسى - 5- 15000 تەڭگە. بۇل - جۇمىس ىستەيتىن جاستاردىڭ ءوز باسپاناسىنا اقشا جيناۋى ءۇشىن مەملەكەت تاراپىنان كورسەتىلەتىن قولداۋ.

باعدارلاماعا قاتىسۋ شارتتارى:

- 29 جاسقا تولماعان ق ر ازاماتى؛

- اياقتالعان ورتا/ارنايى ورتا/جوعارى/جوعارى وقۋ ورنىنان كەيىنگى ءبىلىم جانە رەسمي جۇمىسقا ورنالاستىرۋ؛

- نۇر- سۇلتان قالاسىندا سوڭعى 2 جىلدان كەم ەمەس تۇراقتى ۇزدىكسىز تىركەۋدە بولۋ؛

- ءوتىنىش بەرۋشىدە جانە وتباسىنىڭ بارلىق مۇشەسىندە ق ر بويىنشا مەنشىك قۇقىعىندا، سونداي- اق 2 جىل ىشىندە ساتىپ الۋ قۇقىعىمەن جالعا بەرىلەتىن تۇرعىن ءۇيدىڭ بولماۋى؛

- تولەم قابىلەتتىلىگىن راستاۋ (اي سايىنعى تابىس مينيمۋم 116680 تەڭگە/سوڭعى 6-ايدا 40 ا ە ك). ءبىرىنشى كەزەكتە ە س ق كىلتىن الۋ قاجەت، ال ءتىزىم بويىنشا انىقتامالاردىڭ بارلىعى جاڭا بولۋى جانە ءوتىنىم بەرگەن كەزدە الىنۋى كەرەك.

قاجەتتى قۇجاتتار ءتىزىمىن www.zhilfond.kz.سايتىنان بىلۋگە بولادى.

قۇجاتتاردى تاپسىرعان ازاماتتار اراسىندا ىرىكتەۋ بالدىق جۇيە بويىنشا جۇرگىزىلەدى:

- وتباسىنىڭ بولۋى ءۇشىن - 5 بالل، نەكەنىڭ ءار جىلى ءۇشىن - 2 بالل؛

- بالانىڭ بولۋى ءۇشىن - 1 بالل، كەلەسى ءاربىر بالا ءۇشىن - 2 بالل؛

- بيۋدجەتتىك ۇيىمدارداعى (مەملەكەتتىك مەكەمەلەر مەن مەملەكەتتىك كاسىپورىندارداعى) ەڭبەك قىزمەتى ءۇشىن - 5 بالل، ەڭبەك ءوتىلىنىڭ ءار جىلى ءۇشىن - 1 بالل؛

- نارىق سۇرانىسىنا يە 100 ماماندىق تىزىمىنە سايكەس ماماندىقتى يگەرگەن ءوتىنىش بەرۋشىگە - 10 بالل (ءتىزىم سايتتا جاريالانعان zhilfond.kz)؛

- جەكە كاسىپكەرلىك قىزمەتتى جۇزەگە اسىرۋ كەزىندە كەمىندە 1 جىل - 5 بالل، ءاربىر جىل ءۇشىن - 1 بالل؛

- ءوتىنىش بەرۋشىنىڭ ءارتۇرلى قىزمەت سالالارىندا جەكە جەتىستىكتەرى بولعان كەزدە (كاسىبي سالاداعى جەتىستىكتەرى ەسكەرىلەدى) - 2 بالل؛

- ەكىنشى دەڭگەيدەگى بانكتەردەگى جيناق شوتتارىنداعى جيناقتاردى ءۇشىن - 2 بالل.

قوسىمشا اقپاراتتى iKomek- ءتىڭ 109 (موبيلدى تەلەفوندار ءۇشىن)، سونداي- اق 77007251732 نومىرىنە قوڭىراۋ شالۋ ارقىلى الۋعا بولادى - «نۇر- سۇلتان قالاسىنىڭ جاستار ساياساتى باسقارماسى» م م.

Up