Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

مۇحتار تىلەۋبەردى قازاقستاندىق دەلەگاتسيانىڭ كابۋل ساپارىنا قاتىستى تۇسىنىكتەمە بەردى

26 October 2021 16:29

نۇر- سۇلتان. قازاقپارات - ق ر پرەمەر- ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى قازاقستاندىق دەلەگاتسيانىڭ تاياۋداعى اۋعانستانعا ساپارىنا قاتىستى تۇسىنىكتەمە بەردى، دەپ حابارلايدى قازاقپارات ءتىلشىسى.

«دەلەگاتسيا اۋعانستانعا گۋمانيتارلىق كومەك كورسەتۋ جونىندەگى ارناۋلى ميسسيامەن باردى. حالىقارالىق قوعامداستىقتا اۋعانستاندى ەكونوميكالىق كوللاپسكا، گۋمانيتارلىق داعدارىسقا تۇسىرۋگە بولمايدى دەلىنگەن ورتاق تۇسىنىك بار. ويتكەنى، مۇنىڭ ناقتى تاۋەكەلدەرى مەن سىن- قاتەرلەرى بار. ەڭ الدىمەن بۇل ەسىرتكى تاسىمالىنىڭ، ءدىن ەكسترەميزمنىڭ ارتۋىنا، سونىمەن قاتار بوسقىنداردىڭ كوبەيۋىنە الىپ كەلەدى. بىرىنشىدەن - گۋمانيتارلىق كومەك كورسەتۋ، ەكىنشىدەن - جاڭا ەكونوميكالىق بايلانىستار ورناتۋ. اۋعانستان ەكونوميكاسىنىڭ كۇيرەۋىنە جول بەرمەۋ ءۇشىن مۇمكىندىك ۇسىنۋ قاجەت»، - دەدى مۇحتار تىلەۋبەردى ۇكىمەت وتىرىسىنان كەيىن ب ا ق وكىلدەرىنە بەرگەن سۇحباتىندا.

مينيستر «تاليبان» قوزعالىسىن (قازاقستاندا تىيىم سالىنعان) حالىقارالىق قوعامداستىق مويىنداعاماندىعىن اتاپ ءوتتى. ال ونى حالىقارالىق قوعامداستىق مويىنداۋى ءۇشىن ب ۇ ۇ قاۋىپسىزدىك كەڭەسىنىڭ قارارى قاجەت.

«بارلىعى دا ەكونوميكالىق داعدارىستىڭ ورىن الۋى مۇمكىن ەكەندىگىن تۇسىنەدى. سەبەبى اۋعان ۇكىمەتىنىڭ حالىقارالىق ەسەپشوتى بۇعاتتالعان. ەگەر ەكونوميكالىق كوللاپس بولسا، وندا بۇل تەرەڭ گۋمانيتارلىق باعدارىسقا الىپ كەلەدى. ال ونىڭ بەلگىلى ءبىر تاۋەكەلدەرى، سىن- قاتەرلەرى بار. ەڭ الدىمەن ءدىني ەكسترەميزمدىڭ باس كوتەرۋىمەن، ەسىرتكى تاسىمالىنىڭ جانە بوسقىندار لەگىنىڭ ارتۋىمەن بايلانىستى. وعان جول بەرمەۋ ءۇشىن بۇكىل حالىقارالىق قوعامداستىق اۋعان حالقىنا گۋمانيتارلىق كومەك كورسەتۋگە ۇندەپ جاتىر»، - دەدى ول.

وسى رەتتە ول قازاقستان اۋعان حالقىنا گۋمانيتارلىق كومەك رەتىندە 5 مىڭ توننا ۇن جىبەرۋ شەشىمىن قابىلداعاندىعىن ەسكە سالىپ ءوتتى.

«بۇل ەلمەن ساۋدا- ەكونوميكالىق بايلانىستاردى دا قالىپىنا كەلتىرۋ قاجەت ەكەندىگى ءسوزسىز. قازىرگى ۋاقىتتا بۇل ەلمەن ساياسي كەلىسسوزدەر وتكىزۋ تۋرالى ءسوز قوزعالىپ وتىرعان جوق. ءسوز اۋعان حالقىنا كومەك كورسەتۋ جايىندا عانا بولىپ تۇر»، - دەدى مۇحتار تىلەۋبەردى.

اۆتور: مارلان جيەمباي

Up