Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

الماتىدا كوروناۆيرۋس جۇقتىرۋ دەڭگەيى قانداي

28 September 2021 11:51

الماتى. قازاقپارات - الماتىدا كوروناۆيرۋس جۇقتىرعاندار سانى ازايدى. الماتىدا كوروناۆيرۋس جۇقتىرعان 1899 ناۋقاس ەم قابىلداپ جاتىر.

بۇل تۋرالى قالالىق قوعامدىق دەنساۋلىق باسقارماسىنان ءمالىم ەتتى، دەپ حابارلايدى قازاقپارات ءتىلشىسى.

27-قىركۇيەك كۇنگى اقپارات بويىنشا، ءبىر تاۋلىكتە قالادا 413 ادام كوروناۆيرۋس جۇقتىرعان. مۇنىڭ ىشىندە سيمپتومدى، جەڭىل جانە ورتاشا دەڭگەيدەگى بەلگىلەرمەن - 385، سيمپتومسىز - 28 ناۋقاس تىركەلدى. بارلىق ەمدەلىپ شىققاندار - 365، كەلىپ تۇسكەنى - 187 «ينفەكسيالىق ستاتسيونارلاردا 1899 ادام بار (توسەك- ورىننىڭ جالپى سانى - 5230)، ونىڭ ىشىندە 54 بالا ەمدەلۋدە»، - دەپ ناقتىلادى قوعامدىق دەنساۋلىق باسقارماسىنىڭ باسپا ءسوز قىزمەتىنەن.

سونداي-اق، رەانيماتسيا جانە قارقىندى تەراپيا بولىمىندە 192 ادام جاتىر. ال 31 ناۋقاس جاساندى تىنىس الۋ اپپاراتىنا قوسىلعان. ينۆازيۆتى ەمەس جاساندى تىنىس الۋ اپپاراتىندا 92 ادام ەم قابىلداۋدى جالعاستىرۋدا.

High flow-دا 51 اپپارات جۇمىس ىستەيدى. مەديتسينالىق- سانيتاريالىق العاشقى كومەك موبيلدى بريگادالارىنىڭ جانە تەلەمەديتسينا ورتالىعىنىڭ امبۋلاتوريالىق باقىلاۋىندا 4 530 پاتسيەنت بار. ونىڭ ىشىندە ىندەت بەلگىلەرى بار، ورتاشا اۋىر جاعدايدا - 4268 ناۋقاس. 164 ادامدا كوروناۆيرۋس بەلگىلەرى جوق.

اۆتور: الما مۇقانوۆا

Keywords: ايماق,
Up