Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

اسقار مامين ەپيدەميولوگيالىق جاعدايدى باقىلاۋدا ۇستاۋدى تاپسىردى

28 September 2021 10:02

نۇر- سۇلتان. قازاقپارات - حالىقتى تۇماۋعا قارسى ۆاكسيناتسيالاۋدى جانداندىرۋ قاجەت. بۇل تۋرالى ۇكىمەت وتىرىسىندا ق ر پرەمەر- ءمينيسترى اسقار مامين ايتتى، دەپ حابارلايدى قازاقپارات ءتىلشىسى.

«جالپى ەپيدەميولوگيالىق جاعداي جاقسارىپ كەلەدى. بارلىق وڭىرلەردە ۆيرۋس جۇقتىرۋ دەڭگەيى ءبىرشاما ازايدى. دەگەنمەن، «قىزىل» ايماقتا الماتى جانە نۇر- سۇلتان قالالارى مەن قاراعاندى، پاۆلودار جانە اقمولا وبلىستارى قالىپ وتىر. سوندىقتان ەپيدەميولوگيالىق جاعدايدى باقىلاۋدا ۇستاۋ، ۆاكسيناتسيالاۋدى جالعاستىرۋ قاجەت»، - دەدى اسقار مامين.

ۇكىمەت باسشىسىنىڭ دەرەگىنشە، قازىرگى ۋاقىتتا ءبىرىنشى كومپونەنت 7,5 ميلليون استام ادامعا، ەكىنشى كومپونەنت 6,4 ميلليون ادامعا سالىندى.

«سونىمەن بىرگە تۇماۋ مەن باسقا دا رەسپيراتورلىق ينفەكسيالار بويىنشا پروفيلاكتيكالىق جانە ەپيدەمياعا قارسى ءىس- شارا قولدانۋ قاجەت. تۇماۋعا قارسى ۆاكسيناتسيالاۋ ءۇشىن 2,5 ميلليون دوزا ۆاكسينا اكەلىندى. حالىقتى تۇماۋعا قارسى ۆاكسيناتسيالاۋدى جانداندىرىپ، مەديتسينا ۇيىمدارىنىڭ تۇماۋ جۇقتىرعان ناۋقاستاردى قابىلداۋعا ازىرلىگىن قامتاماسىز ەتۋ قاجەت»، - دەگەن پرەمەر- مينيستر جالپى باقىلاۋدى ورىنباسارى ەرالى توعجانوۆقا جۇكتەدى.


Up