Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

ەلىمىزدىڭ قاي وڭىرلەرىندە مۇعالىمدەر جەتىسپەيدى

28 September 2021 07:04

نۇر- سۇلتان. قازاقپارات - ەلىمىزدە مەكتەپ ۇستازدارى جەتىسپەيتىن وڭىرلەر اتالدى، دەپ حابارلايدى قازاقپارات ءتىلشىسى.

«پەداگوگ دەفيتسيتىنە كەلسەك، بيىل قىركۇيەكتەگى جاعداي بويىنشا ەلىمىزدە 3 مىڭنان استام جۇمىس ورنى بوس تۇر. بۇگىندە قازاقستاندا 350 مىڭداي مۇعالىم بارىن ەسكەرسەك، سالىستىرمالى تۇردە 3 مىڭدى اسا ۇلكەن تاپشىلىق دەپ ويلامايمىن. مۇعالىمدەردىڭ جەتىسپەۋشىلىگى كوبىنەسە اۋىلدىق جەرلەردەگى شاعىن مەكتەپتەردە بايقالادى. شاعىن مەكتەپتەردەگى پەداگوگ تاپشىلىعى ونداعى جۇكتەمەنىڭ ازدىعىنان تۋىنداپ وتىر. مۇعالىم تاپشى 3-ايماقتى ايتار بولسام، الدىمەن اتىراۋ وبلىسى، ەكىنشى كەزەكتە الماتى وبلىسى جانە ءۇشىنشى ورىندا تۇركىستان وبلىسى»، - دەدى ق ر ءبىلىم جانە عىلىم ءمينيسترلى اسحات ايماعامبەتوۆ ۇكىمەت ۇيىندە ونلاين وتكەن باسپا ءسوز ءماسليحاتىندا.

ءمينيستردىڭ مالىمدەۋىنشە، جوعارىدا اتالعان ءار وڭىردە 600 گە دەيىن بوس جۇمىس ورنى بار.

«كەز كەلگەن ماسەلەنىڭ ەكى جاعى بار. مەملەكەت باسشىسى تاپسىرعان 1000 مەكتەپ سالۋعا كەلسەك، جاڭا مەكتەپ سالعان سوڭ، وعان قاجەتتى مامانداردى دا دايارلاۋ كەرەك. بۇل ورايدا پەداگوگيكا ماماندىقتارىنا بولىنەتىن گرانت سانى جىل ساناپ ارتىپ كەلەدى. سونداي- اق، مۇعالىمدەردى دايارلاۋدا وقۋ باعدارلاماسىنا وزگەرىستەر ەنگىزىلدى. جالپى ايتقاندا، بۇگىندە ەلىمىزدە پەداگوگ تاپشىلىعىن شەشۋگە ارنالعان كەشەندى جۇيە بار»، - دەيدى ول.

بۇعان دەيىن اسحات ايماعامبەتوۆ «مەكتەپتە كەيبىر قاجەتسىز پاندەردى وقىتپاۋ كەرەك» دەگەن پىكىرگە قاتىستى ءوز ويىن ءبىلدىردى.

Keywords: ايماق,
Up