Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

ق  ر پرەزيدەنتىنىڭ تەلەراديوكەشەنى اۋعانستانعا قاتىستى دەرەكتى فيلم ۇسىنادى

26 September 2021 10:52

نۇر-سۇلتان. قازاقپارات - ق ر پرەزيدەنتىنىڭ تەلەراديوكەشەنى اۋعانستانداعى احۋالعا قاتىستى دەرەكتى فيلم ۇسىنادى، دەپ حابارلايدى قازاقپارات.

«تالىبتەر ءتارتىبى جانە اۋعانستان يسلام امىرلىگىنىڭ قۇرىلۋى بارلىعىنىڭ دەرلىك كوڭىلىنەن شىقپايدى. الايدا، قانداي بالاما بار؟ بۇعان جاۋاپ - قازاقستان پرەزيدەنتىنىڭ دۋشانبەدە ۇ ق ش ۇ جانە ش ى ۇ سامميتتەرىندە، سونداي-اق ەكى بىرلەستىكتىڭ تاريحتاعى العاشقى بىرلەسكەن وتىرىسىندا ايتقان باستامالارىندا. جاقىندا ق ر پرەزيدەنتىنىڭ تەلەراديوكەشەنى دايىنداعان «اۋعان شىرماۋى» دەرەكتى فيلمىن كورىڭىزدەر»، - دەلىنگەن پرەزيدەنتتىڭ تەلەراديوكەشەنى حابارلاماسىندا.

ەسكە سالا كەتەيىك، 17- قىركۇيەكتە قازاقستان پرەزيدەنتى قاسىم-جومارت توقايەۆ دۋشانبەدە ۇ ق ش ۇ مەن ش ى ۇ- عا مۇشە مەملەكەتتەر باسشىلارىنىڭ بىرلەسكەن وتىرىسىنا قاتىستى. قازاقستان پرەزيدەنتىنىڭ پىكىرىنشە، ۇ ق ش ۇ مەن ش ى ۇ- عا مۇشە مەملەكەتتەر اۋعانستاننىڭ جاڭا بيلىگىمەن بەيرەسمي ديالوگ قۇرۋعا باستاما جاساعانى ءجون. سونداي-اق ق. توقايەۆ: «اۋعانستانداعى كەزەكتى جاعداي كوپتەگەن ەلدى، ەڭ الدىمەن، كورشىلەس مەملەكەتتەردى جاڭا سىن-قاتەرلەرمەن بەتپە-بەت قالدىرىپ، وڭىردەگى احۋالدى بىردەن وزگەرتىپ جىبەردى. مۇنداي جاعدايدا ءبىز جاھاندىق وزگەرىستەرگە جاقسىلاپ دايىندالۋىمىز كەرەك»، - دەپ اتاپ ءوتتى.

Up