Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

مەديتسينالىق مەكەمەلەردە ۆيدەو تۇسىرۋگە قويىلعان شەكتەۋ الىنىپ تاستالدى

20 September 2021 12:06

نۇر-سۇلتان. قازاقپارات – ق ر باس سانيتار دارىگەرىنىڭ جاڭا قاۋلىسى بويىنشا مەديتسينالىق مەكەمەلەردە دىبىستىق، بەينە جازبا جۇرگىزۋگىە قويىلعان شەكتەۋ الىندى، دەپ حابارلايدى قازاقپارات ءتىلشىسى.

«باس سانيتار دارىگەردىڭ №38-قاۋلىسىنداعى 3-تارماقتى 2) تارماقشاسى الىپ تاستالسىن»، - دەپ جازىلعان جاڭا قاۋلىدا. اتالمىش №38-قاۋلىدا مەديتسينالىق مەكەمەلەردە پاتسيەنتتەر مەن مەديتسينا قىزمەتكەرلەرىنىڭ كەلىسۋىنسىز ولارعا اۋديو، فوتو جانە بەينە ءتۇسىرىلىم جۇرگىزۋگە شەكتەۋ سالىناتى ايتىلعان بولاتىن.

«دەنساۋلىق ساقتاۋ ۇيىمدارىندا، جەدەل مەديتسينالىق جاردەم ماشينالارىندا، جەرگىلىكتى اتقارۋشى ورگاندار كارانتين ءۇشىن ايقىنداعان ءۇي- جايلاردا، سونداي-اق مەديتسينا قىزمەتكەرلەرى ۇيدە مەديتسينالىق كومەك كورسەتۋ، وشاقتا ەپيدەميولوگيالىق تەرگەپ- تەكسەرۋ جۇرگىزۋ، ناۋقاستاردان جانە بايلانىستا بولعان ادامداردان سۇراۋ جانە ساۋالناما الۋ كەزىندە پاتسيەنتتەر مەن مەديتسينا قىزمەتكەرلەرىنىڭ كەلىسۋىنسىز ولارعا اۋديو، فوتو جانە بەينە ءتۇسىرىلىم جۇرگىزۋگە شەكتەۋ سالىنسىن»، - دەپ جازىلعان قاۋلى ماتىنىندە.

سونىمەن قاتار، كوروناۆيرۋس ناۋقاستارىمەن بايلانىستا بولعان ادامداردى وقشاۋلاۋ ءتارتىبى وزگەردى.

Keywords: ايماق,
Up