Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

كوكشەتاۋدا قازاق ءتىلىنىڭ قولدانىس اياسىن كەڭەيتۋ جۇرگىزىلىپ جاتىر

20 September 2021 09:48

كوكشەتاۋ. قازاقپارات - اقمولا وبلىسىنىڭ ىشكى ساياسات باسقارماسى كوكشەتاۋ قالاسىنداعى «ريو» ساۋدا ويىن- ساۋىق ورتالىعى تۋرالى 2021 -جىلدىڭ تامىز ايىندا الەۋمەتتىك جەلىگە جاريالانعان روليكتەر نەگىزىندە «ريو» ساۋدا ويىن- ساۋىق ورتالىعىنىڭ اكىمشىلىگىمەن كەزدەسىپ، «تىل تۋرالى» جانە «جارناما تۋرالى» زاڭدارى بويىنشا ءتۇسىندىرۋ جۇمىستارىن جۇرگىزدى، دەپ حابارلايدى قازاقپارات ءتىلشىسى.

جۇمىس بارىسىندا، «Botai development» اكسيونەرلىك قوعامىنا قاراستى «ريو» ساۋدا ويىن- ساۋىق ورتالىعى، «ورتالىق بازار»، «رۋبين» ساۋدا ورىندارىنداعى ءتىل زاڭنامالارىنا قايشى كەلەتىن سىرتقى جارنامالاردى تۇزەتۋ قاجەت ەكەنى ەسكەرتىلدى. سونىمەن قاتار، اقمولا وبلىستىق وقۋ- ادىستەمەلىك ورتالىعى تاراپىنان اتالمىش ساۋدا ورىندارىنىڭ اكىمشىلىگىنە، ساتۋشىلارعا ارنالعان مەملەكەتتىك ءتىلدى وقىتۋ كۋرسىنىڭ اشىلاتىنىن جانە وندا قازاق ءتىلىن اقىسىز ۇيرەنۋگە جاعداي جاسالاتىنى ايتىلدى.




قازىرگى ۋاقىتتا، ياعني 18 قىركۇيەكتەگى جاعداي بويىنشا «ريو» ساۋدا ويىن- ساۋىق ورتالىعىنىڭ سىرتقى اقپاراتتارى مەن جارنامالارى قازاق جانە ورىس تىلىندە جازىلعان. اسىرەسە، «پۋلس» ءدارىحاناسىندا ءتىل زاڭنامالارىنا قايشى كەلەتىن اقپاراتتار تۇزەتىلگەن، كەيبىر تەك ورىس تىلىندە جازىلعان اقپاراتتاردى الىپ تاستاعان. دەگەنمەن، كەيبىر ساۋدا ورىندارىندا ءالى دە بولسا، تەك ورىس تىلىندە جازىلعان اقپاراتتار انىقتالدى. ول زاڭبۇزۋشىلىقتار نەگىزىندە ساتۋشىعا ءتىل زاڭىنىڭ تالاپتارى بويىنشا ءتۇسىندىرۋ جۇمىستارى جۇرگىزىلدى.




««ريو» ساۋدا ويىن- ساۋىق ورتالىعىندا جانە باسقا دا ساۋدا ورىنداردا سىرتقى اقپاراتتاردى ءتىل زاڭنامالارىمەن سايكەستەندىرۋ جۇمىستارى كەزەڭ- كەزەڭمەن جۇرگىزىلىپ جاتىر. ال، ساۋدا ورىندارىنداعى بارلىق اقپاراتتار مەن جارنامالاردى زاڭعا سايكەس جازىپ، تۇتىنۋشىلارعا قازاق جانە ورىس تىلدەرىندە قىزمەت كورسەتۋ ءۇشىن ءبىراز ۋاقىت كەرەك»، - دەپ اقپارات بەردى «Botai development» اكسيونەرلىك قوعامىنىڭ كوممەرتسيالىق ديرەكتورى ا. تاشەنوۆ.

وبلىستىق ىشكى ساياسات باسقارماسىنان اتاپ وتكەندەي، اتالعان ساۋدا جانە قىزمەت كورسەتۋ ورىندارىندا قازاق ءتىلىنىڭ قولدانىس اياسىن كەڭەيتۋ جۇمىستارى ودان ءارى جالعاسا بەرمەكشى.








Keywords: ايماق,
Up