Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

كولىكتەن باعالى زاتتار ۇرلايتىن الماتىلىق ۇستالدى

17 September 2021 07:02

الماتى. قازاقپارات - الماتى پوليسياسى سەريالىق اۆتوكولىك ۇرىسىن ۇستادى دەپ حابارلايدى قازاقپارات ءتىلشىسى.

المالى اۋداندىق پوليتسيا باسقارماسىنىڭ مالىمەتىنشە، 32 جاستاعى ك. ەسىمدى ازامات بۇرىن كولىكتەن ۇرلىق جاساعانى ءۇشىن قىلمىستىق جاۋاپكەرشىلىككە تارتىلعان.

«بۇل جولى ول «ميتسۋبيسي دەليكا اۆتوكولىگىنىڭ قۇلپىن اشىپ، سالونىنا كىرىپ، نوۋتبۋكتى ۇرلاعان. جەڭىل اقشا اۋەسقويىنىڭ قىلمىستىق ارەكەتتەرى بەينەباقىلاۋ كامەرالارىنا ءتۇسىپ قالعان. ءبىز كۇدىكتىنىڭ ىزىنە تۇستىك جانە ونى ۇستادىق. ەر ادامنىڭ قالانىڭ ورتالىق بولىگىندە جۇمىس جاساعانى انىقتالدى. ول وزىنە قولايلى كولىك ىزدەدى، جۇرگىزۋشىنىڭ كولىكتەن كەتۋىن كۇتىپ، قولدا بار قۇرالمەن قۇلىپتى اشىپ، كەز كەلگەن قۇندى زاتتى ۇرلاعان. قازىرگى ۋاقىتتا كۇدىكتى ەكى ەپيزود بويىنشا ءوز ءىسىن مويىندادى. ونىڭ باسقا قىلمىستارعا قاتىستىلىعى تەكسەرىلۋدە»- دەيدى المالى اۋداندىق پوليتسيا باسقارماسىنىڭ باستىعى ەسەن ىسقاقوۆ.

پوليتسيا سونىمەن قاتار، سوتقا دەيىنگى تەرگەۋ ق ر ق ك- ءنىڭ 188-بابى 3- ءبولىمى بويىنشا جاسالعان قىلمىسقا سايكەس جۇرگىزىلەتىنىن اتاپ ءوتتى.

Keywords: ايماق,
Up