Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

ەسىل وزەنىنە قۇلاپ كەتكەن انا مەن بالانى قۇتقارعان استانا تۇرعىنى ماراپاتتالدى

29 July 2021 19:02

نۇر- سۇلتان. قازاقپارات - بۇگىن نۇر- سۇلتان قالاسى توتەنشە جاعدايلار دەپارتامەنتىنىڭ باستىعى، ازاماتتىق قورعاۋ پولكوۆنيگى قۋانار بازاربايەۆ ايەل مەن بالانى قۇتقارعان باتىردى العىس حاتپەن جانە ەستەلىك سىيلىقپەن ماراپاتتادى، دەپ حابارلايدى قازاقپارات.

وقيعا 27-شىلدەدە ترياتلون پارك اۋدانىندا بولعان. ەلوردالىق قۇتقارۋشىلار ەسىل وزەنىن پاترۋلدەۋ بارىسىندا كوپ ادامنىڭ جينالعانىن بايقاپ، دەرەۋ وقيعا ورنىنا ءجۇزىپ كەلگەن. سول جەردە كۋاگەر سۋعا باتىپ بارا جاتقان ايەل مەن بالانى قۇتقارعانى بەلگىلى بولدى. كەيىن انىقتالعانداي، ايەل بالالارىمەن بىرگە سەرۋەندەپ جۇرگەن جانە ءبىر كەزدە ۇلدارىنىڭ ءبىرى سۋعا قۇلاپ كەتكەنىن كورگەن. ول بالاسىن قۇتقارۋعا تىرىسىپ، سۋعا قولىن سوزدى، ءبىراق تايىپ كەتىپ، سۋعا قۇلادى. وسى ساتتە جاقىن جەردە جۇرگەن بيجۇما نۇراقايەۆ بالالاردىڭ كومەككە شاقىرعان ايقايىن ەستىپ، ويلانباستان تەز ارادا جۇگىرىپ كەلىپ، قۇتقارۋ شارالارىن قولعا الدى.

«باقىتىمىزعا وراي، ەرلىكتىڭ، باتىرلىقتىڭ، باتىلدىقتىڭ ارقاسىندا ءبىزدىڭ باتىرىمىز سۋدان ايەلدى بالاسىمەن بىرگە قۇتقارا الدى» دەپ ءمالىم ەتتى دەپارتامەنتتىڭ باسپا ءسوز قىزمەتى.

Keywords: قوعام,
Up