Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

امەريكالىق مامان قازاقستاندىق بوكسشىلاردىڭ جەڭىلۋىن «الەمدىك سەنساتسيا!» دەپ اتادى

29 July 2021 13:55

نۇر- سۇلتان. قازاقپارات - وليمپيادا ويىندارىندا قازاقستاندىق بوكسشىلاردىڭ جەڭىلۋى - الەمدىك سەنساتسيا! مۇنداي پىكىردى Delcotimes.com پورتالىنىڭ رەداكتورى دجەك ماككافەرري ايتتى، دەپ حابارلايدى Vesti.kz-كە سىلتەمە جاساپ.

سونداي- اق امەريكالىق مامان قازاقستان قۇراماسىن توكيودا باستى فاۆوريت رەتىندە ساناعانى تۋرالى پىكىر ءبىلدىردى.

«توكيوداعى وليمپيادا ويىندارىندا كوپشىلىك كۇتپەگەن كوپ توسىنسىي تىركەلدى. مىسالى، وليمپيادا ويىندارىنىڭ كۇمىس جۇلدەگەرى ۆاسيلي ليەۆيتتىڭ يسپانيالىق بوكسشىدان جەڭىلۋى. سونىمەن قاتار، قازاقستاندىق بىرنەشە بوكسشىنىڭ ۇتىلۋى. بۇل الەمدىك سەنساتسيا! مەنىڭ بىلۋىمشە، قازاقستان قۇراماسى اۋەسقويلار اراسىنداعى كەز كەلگەن باسەكەدەدە فاۆوريتتەر قاتارىندا جۇرەتىن ەدى. ءبىراق وسى وليمپياداداعى كورسەتكىش ناشار. ماسەلەنىڭ قايدا جاتقانىن ناقتى ايتا المايمىن. مۇمكىن باپكەرلەر بوكسشىلاردى دۇرىس دايىنداي الماعان شىعار. ستراتەگيا دۇرىس تاڭدالماعان دا بولۋى مۇمكىن. بوكسشىلار دا ۋايىمىن جەڭە الاماۋى ىقتيمال. جالپى فاكتور كوپ. ءبىراق قازاقستاندىق بوكسشىلاردىڭ بۇل ناتيجەسى كوپ ماماندى تاڭعالدىردى»، - دەدى ماككفەري.

ەسكە سالايىق، وليمپيادانىڭ ءبىرىنشى اينالىمىندا بوكسشىلارىمىزدان بەكزاد نۇرداۋلەتوۆ، ۆاسيلي ليەۆيت، ابىلايحان ءجۇسىپوۆ، سەرىك تەمىرجانوۆ جانە نادەجدا ريابەتس جەڭىلىپ قالدى. 29 - شىلدە كۇنى جارىس جولىنا ءابىلحان امانقۇل مەن قامشىبەك قوڭقابايەۆ شىعادى.

www.24.kz

Keywords: سپورت,
Up