Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

ءبىرقاتار وبلىستاردا نايزاعاي ويناپ، جاۋىن جاۋادى

20 June 2021 07:37

نۇر- سۇلتان. قازاقپارات - قازگيدرومەت قازاقستان ايماقتارىندا 2021 -جىلعى 20-ماۋسىمدا بولاتىن ەرەكشە مەتەورولوگيالىق قۇبىلىستارعا بولجاۋ كونسۋلتاتسياسىن جاريالادى، دەپ حابارلايدى قازاقپارات.

سولتۇستىك- باتىس تسيكلونىنىڭ اسەرىمەن ەلدىڭ باسىم بولىگىندە اۋا رايى قۇبىلمالى بولادى. نايزاعاي ويناپ، جاڭبىر جاۋادى، سولتۇستىكتە نوسەر جاڭبىر جاۋادى. رەسپۋبليكانىڭ تەك باتىسى مەن وڭتۇستىك- باتىسى اتموسفەرالىق قىسىمنىڭ جوعارى القابىندا بولادى، سوندىقتان جاۋىن- شاشىنسىز اۋا رايى ساقتالادى.

رەسپۋبليكا بويىنشا كەي جەرلەردە داۋىل، بۇرشاق، جەلدىڭ كۇشەيۋى، وڭتۇستىكتە جانە باتىستا شاڭدى داۋىلمەن كۇتىلەدى. قوستاناي، اقمولا وبلىستارىنىڭ كەي جەرلەرىندە نايزاعاي، بۇرشاق، داۋىل كۇتىلەدى، تۇندە كەي جەرلەردە جەل 15-20 م/س، كۇندىز 15-20, ەكپىنى 23-28 م/س- عا دەيىن كۇشەيەدى.

شىعىس قازاقستان، جامبىل وبلىستارىنىڭ كەي جەرلەرىندە نايزاعاي، بۇرشاق، داۋىل كۇتىلەدى، جەل 15-20، ەكپىنى 23-28 م/س- عا دەيىن كۇشەيەدى. سولتۇستىك قازاقستان وبلىسىنىڭ كەي جەرلەرىندە نايزاعاي، كۇندىز بۇرشاق، داۋىل، تۇندە كەي جەرلەردە، كۇندىز باسىم بولىگىندە جەل 15-20, كۇندىز ەكپىنى 23-28 م/س- عا دەيىن كۇشەيەدى.

كۇندىز پاۆلودار وبلىسىنىڭ كەي جەرلەرىندە نايزاعاي، بۇرشاق كۇتىلەدى، كەي جەرلەردە جەل 15-20، كۇندىز ەكپىنى 23 م/س- عا دەيىن كۇشەيەدى.

قاراعاندى وبلىسىنىڭ كەي جەرلەرىندە نايزاعاي، بۇرشاق، داۋىل كۇتىلەدى، جەل 15-20 م/س- عا دەيىن كۇشەيەدى. تۇندە تۇركىستان وبلىسىنىڭ كەي جەرلەرىندە، كۇندىز تاۋلارىندا نايزاعاي، داۋىل، كەي جەرلەردە شاڭدى داۋىل كۇتىلەدى، جەل 17-22، ەكپىنى 25 م/س- عا دەيىن كۇشەيەدى.

الماتى وبلىسىنىڭ كەي جەرلەرىندە نايزاعاي كۇتىلەدى، جەل 17-22 م/س كۇشەيەدى. قىزىلوردا، كۇندىز ماڭعىستاۋ وبلىستارىنىڭ كەي جەرلەرىندە جەل 15-20 م/س- عا دەيىن كۇشەيەدى، شاڭدى داۋىل كۇتىلەدى.

كۇندىز ماڭعىستاۋ، اقتوبە، باتىس قازاقستان وبلىسىنىڭ وڭتۇستىگىندە قاتتى ىستىق كۇتىلەدى. قىزىلوردا، اقتوبە وبلىسىنىڭ باسىم بولىگىندە، تۇركىستان، جامبىل، الماتى، قاراعاندى وبلىستارىنىڭ كەي جەرلەرىندە، اقمولا، پاۆلودار، شىعىس قازاقستان، باتىس قازاقستان، قوستاناي وبلىستارىنىڭ جەكەلەگەن اۋداندارىندا وتە جوعارى ءورت قاۋىپى كۇتىلەدى.

Keywords: ايماق,
Up