Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

تۇركىستاندا تۋريزم قالاي داميدى

19 June 2021 18:45

نۇر- سۇلتان. قازاقپارات - تۇركىستان وبلىسى ءتۋريزمدى دامىتۋدا وزبەكستان تاجىريبەسىنە ارقا سۇيەيتىن بولادى بۇل تۋرالى بۇگىن تۇركىستان وبلىسىنىڭ اكىمى ءومىرزاق شوكەيەۆ ايتتى، دەپ حابارلايدى قازاقپارات ءتىلشىسى.

«ىشكى ءتۋريزمنىڭ بارلىق نىسانى - جەكەمەنشىك. نارىقتىق ۇستانىمعا بايلانىستى باعا وزگەرىپ تۇرادى. باعانى تومەندەتۋدىڭ جالعىز جولى - باسەكەلەستىك. بىزگە تۋريزممەن اينالىساتىن بيزنەسمەندەردى، كاسىپكەرلەردى كوبەيتۋ قاجەت. بۇل ورايدا وزبەكستاننىڭ وتە جاقسى تاجىريبەسى بار. ولار ءاربىر اۋىلعا باعدارلاما جاساعان. تۇرعىندار ۇيلەرىن شاعىن قوناق ۇيگە اينالدىرىپ، وعان زاماناۋي رەڭك بەرگەن. بارلىق قولايلى جاعداي جاساعان، قوناقتارعا قىزمەت كورسەتەدى. ولارعا پايىزسىز نەسيە بەرەدى، باسقا دا جەڭىلدىكتەرى بار»، - دەدى ءومىرزاق شوكەيەۆ ورتالىق كوممۋنيكاتسيالار قىزمەتىنىڭ كوشپەلى بريفينگى بارىسىندا.

وسى رەتتە ءومىرزاق شوكەيەۆ وزبەكستان پرەمەر- ءمينيسترىنىڭ ورىنباسارىمەن تاجىريبە ءبولىسۋ جايىندا سويلەسكەنىن ايتتى.

«ءبىزدىڭ ادامدار ول جاققا بارادى. مەنىڭشە، بۇل تاجىريبە وبلىسىمىزدا، اسىرەسە تابيعات مۇمكىندىك بەرەتىن جەرلەردە تاراتۋعا لايىقتى»، - دەدى وبلىس باسشىسى.

Keywords: ايماق,
Up