Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

زەرتتەۋ: مۋزىكانى داڭعىرلاتىپ تىڭداۋ اقىل-ويدى كەمىتەدى

18 June 2021 20:14

نۇر-سۇلتان. قازاقپارات - مۋزىكانىڭ داۋىسىن قاتتى قويىپ تىڭدايتىن ادامداردا قۇلاق اۋرۋى ەرتە جاستان پايدا بولادى.

ال بۇل اقىل-ويدىڭ ناشارلاۋىنا اكەلەدى. وسىلاي دەيدى ا ق ش اكۋستيكا قوعامىنىڭ ماماندارى.

مامانداردىڭ ايتۋىنشا، اۋەننىڭ داۋىسىن 70 دەتسيبەلدەن اسىرىپ تىڭداۋعا بولمايدى. ياعني، 70 دەتسيبەل دەگەنىمىز - اۋەننىڭ ورتاشا داۋىسى. 50 پايىزدىق داۋىسى. مۇنى كەز كەلگەن گادجەت پەن كومپيۋتەردەن دىبىس ۇلعايتقىشىنان كورەسىز.

دۇنيەجۇزىلىك دەنساۋلىق ساقتاۋ ۇيىمىنىڭ ەسەبىندە مىنانداي ءبىر دەرەك كەلتىرىلگەن. 12-35 جاس ارالىعىنداعى بالالار مەن جاستاردىڭ جارتىسىنا جۋىعىنىڭ قۇلاعى اۋىرادى ەكەن. باستى سەبەپ - داڭعىر-دۇڭعىر مۋزىكانى كوپ تىڭداۋ.

ال عالىمداردىڭ ايتۋىنشا، قۇلاقتىڭ ەستۋى ناشارلاعان سايىن ادامنىڭ اقىل-ويى دا كەمىپ، دەمەنتسيا ەرتە باستالىپ كەتەتىن كورىنەدى.

ماسەلەن، 2011-جىلى Jama Neurology جۋرنالىندا جاريالانعان زەرتتەۋلەردىڭ بىرىندە ەستۋ قابىلەتىنەن ايىرىلعان ادامداردىڭ ويلانۋ دەڭگەيى ەكى ەسە تومەندەپ كەتەتىنى ايتىلعان. عالىمدار ءۇشىن 639 ادامدى زەرتتەۋگە الىپ، 12 جىل بويى باقىلاعاننان كەيىن، پاتسيەنتتەردىڭ جاعدايىنا قاراپ وسىنداي تۇجىرىمعا كەلگەن.

ەستۋ قابىلەتىنەن ازداپ ايىرىلعان ادامنىڭ ءوزى اقىل-ويى ءۇش ەسە، قۇلاعى ەستىمەي قالعانداردىڭ اقىل-ەسى بەس ەسە تومەندەپ كەتەتىن كورىنەدى.

massaget.kz

Keywords: قوعام,
Up