Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

ەلورداداعى اكادەميالىق ورىس دراما تەاترىنىڭ باسشىلارىنا سوت ۇكىمى شىقتى

18 June 2021 18:45

نۇر- سۇلتان. قازاقپارات - نۇر- سۇلتان قالاسى الماتى اۋدانىنىڭ №2 اۋداندىق سوتى مەملەكەتتىك اكادەميالىق ورىس دراما تەاترىرىنىڭ باسشىلارىنا قاتىستى ۇكىم شىعاردى، دەپ حابارلايدى قازاقپارات ءتىلشىسى.

بۇل تۋرالى سىبايلاس جەمقورلىققا قارسى ءىس- قيمىل اگەنتتىگىنىڭ اسا ماڭىزدى ىستەر جونىندەگى تەرگەۋشىسى دانيار بەكايداروۆ ونلاين بريفينگىدە ايتتى.

«نۇر- سۇلتان قالاسى الماتى اۋدانىنىڭ №2 اۋداندىق سوتىنىڭ ۇكىمىمەن مەملەكەتتىك اكادەميالىق ورىس دراما تەاترىنىڭ ديرەكتورى 9 جىلعا باس بوستاندىعىنان ايىرىلدى. ديرەكتوردىڭ ورىنباسارى 2 جىلعا شارتتى تۇردە، «ادي- جان» ج ش س ديرەكتورى 8 جىلعا، «استانا- كوكشە» ج ش س ديرەكتورى 8 جىلعا، «ادس- ساپا» ج ش س تەحنيكالىق قاداعالاۋ ساراپشىسى 7 جىل 6 ايعا، «س ت- ينجەنەرينگ» ج ش س تەحنيكالىق قاداعالاۋ ساراپشىسى 3 جىلعا شارتتى تۇردە باس بوستاندىعىنان ايىرىلدى»، - دەدى دانيار بەكايداروۆ.

ونىڭ ايتۋىنشا اتالعان ازاماتتاردىڭ ۇستىنەن تەاتر عيماراتىنا كۇردەلى جوندەۋ جانە قالپىنا كەلتىرۋ جۇمىستارىن جۇرگىزۋ كەزىندە جالپى سوماسى 402 ميلليون تەڭگە بيۋدجەت قاراجاتىن جىمقىرۋ فاكتىسى بويىنشا قىلمىستىق ءىس قوزعالعان بولاتىن.

اۆتور: ەسىمجان ناقتىباي

Keywords: قوعام,
Up