Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

ق ر دەنساۋلىق ساقتاۋ مينيسترلىگى اپپاراتىنىڭ باسشىسى تاعايىندالدى

18 June 2021 10:32

نۇر- سۇلتان. قازاقپارات – ق ر دەنساۋلىق ساقتاۋ ءمينيسترىنىڭ بۇيرىعىمەن باتىربەك سۇلتان ۇلى ءابدىلدين قازاقستان رەسپۋبليكاسى دەنساۋلىق ساقتاۋ مينيسترلىگى اپپاراتىنىڭ باسشىسى لاۋازىمىنا تاعايىندالدى.

بۇل تۋرالى ق ر پرەمەر- ءمينيسترىنىڭ باسپا ءسوز قىزمەتى حابارلايدى.

باتىربەك ءابدىلدين 1982 -جىلى قوستاناي وبلىسىندا دۇنيەگە كەلگەن. ا. بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىن، ورتالىق ازيا ۋنيۆەرسيتەتىن، سينگاپۋر ۋنيۆەرسيتەتىن ءتامامداعان.

ەڭبەك جولىن 2001 -جىلى قازاقستانداعى شەتەلدىك كوممەرتسيالىق ۇيىمنىڭ وكىلى رەتىندە باستاعان. 2002-2005 -جىلدارى — ق ر يندۋستريا جانە ساۋدا مينيسترلىگىنىڭ «قۇرىلىس كونسالتينگ» ا ق مامانى؛ مەملەكەتتىك ساتىپ الۋ ءبولىمىنىڭ باسشىسى؛ ديرەكتورىنىڭ ورىنباسارى.

2005-2009 -جىلدارى جەكە ۇيىمداردا باسشىلىق قىزمەتتەردى اتقاردى. 2009-2011 -جىلدارى — «زاماناۋي مەديتسينالىق تەحنولوگيالاردى ەنگىزۋ ورتالىعى» رمك مەملەكەتتىك ساتىپ الۋ جانە ماتەريالدىق قامتاماسىز ەتۋ ءبولىمىنىڭ باسشىسى؛ ديرەكتورىنىڭ ورىنباسارى.

2011-2015 -جىلدارى — «استانا قالاسى اكىمدىگىنىڭ №1 قالالىق اۋرۋحاناسى» م ك ك باس دارىگەرىنىڭ ورىنباسارى.

2015-2020 -جىلدارى جەكە سەكتوردا ەڭبەك ەتكەن. 2018-2019 -جىلدارى — قازاقستاننىڭ مەديتسينالىق تۋريزم قاۋىمداستىعىنىڭ اتقارۋشى ديرەكتورى.

2020 -جىلعى قىركۇيەكتەن باستاپ قازىرگى ۋاقىتقا دەيىن — ق ر دەنساۋلىق ساقتاۋ مينيسترلىگى جوبالىق كەڭسەسىنىڭ باسشىسى.

Up