Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

فۋتبولدان ەۋروپا چەمپيوناتى: بەلگيا دانيادان باسىم ءتۇستى

18 June 2021 08:46

نۇر- سۇلتان. قازاقپارات - فۋتبولدان ەۋروپا چەمپيوناتىنىڭ فينالدىق ساتىسىنىڭ توپتىق كەزەڭى ەكىنشى تۋرىندا بەلگيا مەن دانيا قۇرامالارى كەزدەستى، دەپ حابارلايدى قازاقپارات ءتىلشىسى.

ەسكە سالساق، اتالعان ەكى قۇراما ۆ توبىندا سىنعا تۇسەدى. قارسىلاستارى - رەسەي جانە فينليانديا. العاشقى تۋردا بەلگيا رەسەيدەن 3:0 ەسەبىمەن باسىم تۇسسە، دانيا فينلياندياعا 0:1 ەسەبىمەن ەسە جىبەردى. بۇل توپتا كەشە، 16 -ماۋسىمدا ەكىنشى تۋردا رەسەي فينليانديانى 1:0 ەسەبىمەن تىزە بۇكتىردى. ەكى قۇراما بۇعان دەيىن 16 مارتە كەزدەستى. ونىڭ التاۋىندا بەلگيا جەڭىپ، التاۋىندا دانيا باسىم تۇسسە، قالعانىندا تەڭ ناتيجە تىركەلدى.

بۇگىنگى كەزدەسۋدە قوس قۇرامانىڭ جەڭىسكە جەتۋگە ۇمتىلىسى بايقالىپ تۇردى. الدىمەن دانيالىق يۋسسۋف پوۋلسەن 2-مينۋتتا ەسەپ اشتى. ءبىرىنشى كەزەڭدە جانكۇيەرلەر بۇدان باسقا گول كورگەن جوق. ەكىنشى كەزەڭدە بەلگيا قۇراماسى الدىمەن تارازى باسىن تەڭەستىرۋگە ۇمتىلدى. ناتيجەسىندە 54-مينۋتتا تورگان ازار مەرگەندىك تانىتسا، كيەۆين دە برёينە 70-مينۋتتا ءوز قۇراماسىن العا شىعاردى. بۇل توپتا ءۇشىنشى تۋر ويىندارى 21 - ماۋسىمدا وتكىزىلەدى. بۇل كۇنى فينليانديا مەن بەلگيا، دانيا مەن رەسەي قۇرامالارى شەبەرلىك بايقاسادى.

Keywords: سپورت,
Up