Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

اقتاۋلىق تاەكۆوندوشى ەگىز قىزدار فينالدا ءبىر-بىرىمەن جەكپە-جەككە شىعۋدان باس تارتتى

17 June 2021 21:44

قىزىلوردا. قازاقپارات - اقتاۋلىق تاەكۆوندوشى ەگىز قىزدار جارىستىڭ فينالىندا جەكپە-جەككە شىعۋدان باس تارتتى، دەپ حابارلايدى قازاقپارات ءتىلشىسى.

جەكپە-جەكتىڭ ناتيجەسىن «تاس، قايشى، قاعاز» دەپ اتالاتىن ويىن شەشتى. اپالى-ءسىڭلىلى ەگىزدەر ايا مەن سايا كەنجەعالي تاەكۆوندو تۋرنيرىنىڭ فينالىندا ءبىر-بىرىمەن جەكپە-جەككە شىعۋدان باس تارتىپ، ءوزارا تانىمال ويىن ارقىلى جەڭىمپازدى انىقتاۋعا شەشىم قابىلدادى.

بۇل ويىندا ايا جەڭىسكە جەتتى. ماۋسىم ايىنىڭ 9-13- ارالىعىندا قىزىلوردا وبلىسىندا 2010-2011، 2012-2013 جىلدارى تۋعان جاس وسپىرىمدەر اراسىندا تاەكۆوندودان رەسپۋبليكالىق تۋرنير ءوتتى.

تۋرنير كەڭەس وداعىنىڭ باتىرى تايىمبەت كومەكبايەۆتى ەسكە الۋعا ارنالدى.

جارىستا رەسپۋبليكامىزدان 800 دەن استام سپورتشى باق سىناستى.


Keywords: سپورت,
Up