Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

قاسىم-جومارت توقايەۆ اتىراۋ مۇناي وڭدەۋ زاۋىتىنىڭ جۇمىسىن سىنعا الدى

17 June 2021 21:15

نۇر-سۇلتان. قازاقپارات - گاز سالاسىن دامىتۋ جونىندەگى كەڭەستە پرەزيدەنت قاسىم-جومارت توقايەۆ سۇيىتىلعان گاز جەتكىزۋشى كاسىپورىن - اتىراۋ مۇناي وڭدەۋ زاۋىتىنىڭ جۇمىسىن سىنعا الدى، دەپ حابارلايدى قازاقپارات.

«جاڭعىرتۋ جۇمىستارى 2018-جىلى اياقتالعانىنا قاراماستان، كاسىپورىن جۇمىسىندا ءالى دە ىركىلىستەر بار. ناتيجەسىندە، مۇناي ونىمدەرىنىڭ بارلىق ءتۇرى بويىنشا ءوندىرىس كولەمى كەمىپ، سونىڭ ىشىندە، سۇيىتىلعان گاز ازايىپ كەتتى. بۇل جانارماي قۇيۋ ستانتسيالارىنداعى تاپشىلىققا جانە باعانىڭ شارىقتاۋىنا الىپ كەلدى. وسىعان بايلانىستى ۇكىمەتكە سۇيىتىلعان گازعا دەگەن سۇرانىستىڭ ارتۋ پەرسپەكتيۆاسىن زەرتتەپ، ونى ءوندىرۋدىڭ قوسىمشا قۋات كوزدەرىن ىزدەستىرۋ جونىندە ۇسىنىس ەنگىزۋدى تاپسىرامىن.

گاز تاراتۋ جۇيەسىنە قاتىستى ماسەلەنى جەكە قاراستىرۋ قاجەت. قازىرگى ۋاقىتتا اتالعان پروتسەسس جابىق ءارى تۇسىنىكسىز جاعدايدا ىسكە اسىرىلادى. بۇل سىبايلاس جەمقورلىقتىڭ ەتەك جايۋىنا الىپ كەلەدى. ءتيىمسىز دەلدالدارعا جول بەرمەۋ جانە نارىق باعاسىن قالىپتاستىرۋ ماقساتىندا ەلەكتروندى ساۋدا الاڭدارى ەنگىزىلدى. ولاردىڭ الەۋەتىن بارىنشا پايدالانۋ كەرەك. مەملەكەتتىك ورگاندار مەن بيزنەس جاڭا تارتىپتە جۇمىس ىستەۋگە بەيىمدەلۋى ءتيىس»، - دەدى قاسىم-جومارت توقايەۆ.

ايتا كەتەيىك، بۇگىن قاسىم-جومارت توقايەۆ گاز سالاسىن دامىتۋ جونىندە كەڭەس وتكىزدى.


Up