Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

فۋتبولدان ەۋروپا چەمپيوناتى: رەسەي فينليانديادان باسىم ءتۇستى

16 June 2021 22:54

نۇر-سۇلتان. قازاقپارات - فۋتبولدان ەۋروپا چەمپيوناتىنىڭ فينالدىق ساتىسىنداعى توپتىق كەزەڭى ەكىنشى تۋرىندا رەسەي مەن فينليانديا قۇرامالارى كەزدەستى، دەپ حابارلايدى قازاقپارات ءتىلشىسى.

ەسكە سالساق، اتالعان ەكى كوماندا ۆ توبىندا سىنعا تۇسەدى. قارسىلاستارى - بەلگيا جانە دانيا.

العاشقى تۋردا رەسەي بەلگياعا 0:3 ەسەبىمەن جول بەرسە، فينليانديا دانيادان 1:0 ەسەبىمەن باسىم ءتۇستى.

ەكى كوماندا بۇعان دەيىن بەس مارتە كەزدەسكەن. ونىڭ تورتەۋىندە رەسەيلىكتەر جەڭىسكە جەتسە، بىرەۋىندە فينليانديالىق فۋتبولشىلاردىڭ مەرەيى ۇستەم بولدى.

ايتا كەتەرلىگى، فينليانديا بۇگىنگى قارسىلاسىن 109 جىل بۇرىن ستوكگولم وليمپياداسىندا 2:1 ەسەبىمەن جەڭگەن بولاتىن.

بۇگىنگى كەزدەسۋدە قوس قۇرامانىڭ جەڭىسكە جەتۋ مۇمكىندىگى بار ەدى. ەكەۋىنىڭ دە تاراپىنان گول سوعاتىن بىرنەشە ءسات كەزدەستى. ءبىرىنشى كەزەڭنىڭ 45-مينۋتىندا رەسەيلىك الەكسەي ميرانچۋك قارسىلاستار قاقپاشىسىن قاپى قالدىرىپ كەتتى.

ەكىنشى كەزەڭدە ەكەۋىندە دە ەسەپتى وزگەرتەتىن بىرنەشە مۇمكىندىك بولعان ەدى. دەگەنمەن تابلوداعى ەسەپ وزگەرىسسىز قالدى. كەزدەسۋدە رەسەي قارسىلاسىنان 1:0 ەسەبىمەن باسىم ءتۇسىپ، تۋرنير كەستەسىندەگى جاعدايىن جاقسارتتى.

سونداي-اق، اتالعان توپتاعى دانيا مەن بەلگيا كەزدەسۋى 17- ماۋسىمدا ەلوردا ۋاقىتىمەن 21:50 دە وتكىزىلەدى.

ايتا كەتەيىك، اتالعان توپتاعى ءۇشىنشى تۋر ويىندارى 21- ماۋسىمدا وتكىزىلەدى. بۇل كۇنى فينليانديا مەن بەلگيا، رەسەي مەن دانيا قۇرامالارى شەبەرلىك بايقاسادى.

Keywords: سپورت,
Up