Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

نۇر-سۇلتان پوليتسەيلەرى قارۋ يەلەرىن تەكسەرىپ جاتىر

16 June 2021 21:59

نۇر-سۇلتان. قازاقپارات - اتىس قارۋىن قولدانۋمەن بولاتىن قىلمىستاردى ەسكەرتۋ مەن بولدىرماۋ، ازاماتتىق جانە قىزمەتتىك قارۋ اينالىمىنا مەملەكەتتىك باقىلاۋ جاساۋدى جۇزەگە اسىرۋ ماقساتىندا استانا اۋماعىندا «قارۋ» جەدەل-پروفيلاكتيكالىق ءىس-شاراسى ءوتىپ جاتىر، دەپ حابارلايدى قازاقپارات نۇر-سۇلتان قالاسى پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

ازاماتتىق، قىزمەتتىك جانە ماراپات قارۋلارى يەلەرىن تەكسەرۋ ۇيىمداستىرىلدى. زاڭسىز اينالىمنان تىركەلمەگەن اتىس قارۋلارىن، وق-دارىلەردى، جارىلعىش زاتتاردى جانە قوندىرعىلاردى انىقتاۋ مەن تاركىلەۋ بويىنشا شارالار جۇرگىزىلۋدە. پروفيلاكتيكالىق شارانىڭ باسىنان 104 قارۋدى ساقتاۋ جانە الىپ ءجۇرۋ ەرجەسىن بۇزۋ فاكتىسى، 112 قارۋدى قايتا تىركەۋ ءتارتىبىن بۇزۋ فاكتىسى انىقتالدى.

بارلىق ايىپتىلار اكىمشىلىك جاۋاپقا تارتىلدى. بارلىعى زاڭسىز اينالىمنان 28 زاڭسىز ساقتالعان قارۋ جانە ءيىر ويىقتى مىلتىقتىڭ 71 پاترونى تاركىلەندى. اينالىم ەرەجەلەرىن بۇزعانى ءۇشىن 319 تىركەلگەن قارۋ تاركىلەندى. رەيد جۇرگىزۋ بارىسىندا ساعات 03:40 تا جانسۇگىروۆ جانە قۇدايبەردى ۇلى كوشەلەرىنىڭ قيىلىسىندا 43 جاستاعى جۇرگىزۋشى ۇستالىپ، اۆتوكولىگىنىڭ سالونىنان تاپانشا تابىلدى.

ارنايى ماماننىڭ قورىتىندىسى بويىنشا، تاپانشا گازدى قارۋ بولىپ شىقتى، زاۋىت تاسىلىمەن دايىندالعان جانە اتۋعا جارامدى. ەر ادامنىڭ گازدى قارۋدى الىپ جۇرۋگە رۇقساتى بولماعانى انىقتالدى. تەرگەۋ جۇرگىزىلۋدە.

Up