Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

وتاندىق مەديتسينانى «بولاشاق» باعدارلاماسى جاڭا ساتىعا شىعاردى - الەكسەي سوي

16 June 2021 20:39

نۇر-سۇلتان. قازاقپارات - دەنساۋلىق ساقتاۋ ءمينيسترى الەكسەي سوي «بولاشاق» باعدارلاماسىنىڭ ەل مەديتسيناسىن دامىتۋداعى ءرولىن اتادى، دەپ حابارلايدى قازاقپارات.

«تاۋەلسىزدىك جىلدارىندا قازاقستانداعى دەنساۋلىق ساقتاۋ جۇيەسىنىڭ قۋاتى ارتتى. ءبىز زاماناۋي عىلىمي مەديتسينالىق ورتالىقتارعا، قازاقستاندا ەنگىزىلگەن بىرەگەي جاڭا تەحنولوگيالارعا يە بولدىق. كارديوحيرۋرگيانىڭ نەگىزى قالانىپ، اعزانى ترانسپلانتاتسيالاۋ ءبىز ءۇشىن ۇيرەنشىكتى قۇبىلىسقا اينالدى. بۇرىن ازاماتتارىمىز شەتەلدە عانا يگىلىگىن پايدالاناتىن زاماناۋي بىرەگەي تەحنولوگيالار قازىر قازاقستاندا كەڭىنەن قولدانىلادى»، - دەدى مينيستر مەديتسينا قىزمەتكەرلەرى كۇنىنە ارنالعان كەزدەسۋدە.

ونىڭ ايتۋىنشا، قازاقستان مەديتسيناسىنىڭ بولاشاعى سيفرلىق تەحنولوگيالارمەن تىكەلەي بايلانىستى.

«ءبىزدىڭ كوپتەگەن ارىپتەستەرىمىز «بولاشاق» باعدارلاماسىنىڭ ارقاسىندا الەمنىڭ ۇزدىك ينستيتۋتتارى مەن جوعارى وقۋ ورىندارىندا ءبىلىم الدى. قازىر ولار ەلدەگى بىرەگەي مەديتسينالىق مەكەمەلەردە ەڭبەك ەتىپ ءجۇر. وسى جىلدار ىشىندە ءبىز دەنساۋلىق ساقتاۋ جۇيەسىنىڭ الەۋەتىن قالىپتاستىردىق، كولىك مەديتسيناسىن، تەلەمەديتسينانى دامىتتىق. قازىر مەديتسينالىق پاسپورتتار مەن بارلىق اقپارات سيفرلاندىرىلعان دەڭگەيگە جەتتى. سيفرلىق تەحنولوگيالاردى دەنساۋلىق ساقتاۋ جۇيەسىنىڭ يگىلىگىنە جەگۋدىڭ كوكجيەگى ءالى كەڭ. ۋاقىت ورنىندا تۇرمايدى. مەديتسينا جاڭا قيىندىقتارمەن بىرگە دامىپ جاتىر. پاندەميا بۇكىل الەم قاۋىمداستىعىنا دەنساۋلىق ساقتاۋ جۇيەسىنىڭ اينالاسىندا شوعىرلانۋ قاجەت ەكەنىن كورسەتتى. ىندەتتىڭ زەرتتەلمەگەن، جاڭا سيپاتتى بولعانىنا قاراماستان، ءبىز تولىقتاي بەيىمدەلىپ، حالىقارالىق تاجىريبەنى مەڭگەرىپ، ۆيرۋسقا قارسى تۇرا الدىق»، - دەدى الەكسەي سوي.

Up