Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

يممۋنولوگ كوروناۆيرۋسقا قارسى ۆاكسينا تۋرالى جالعان اقپاراتقا سەنبەۋگە شاقىردى

16 June 2021 16:41

الماتى. قازاقپارات - الماتى قالاسى وڭىرلىك كوممۋنيكاتسيالار قىزمەتى الاڭىندا وتكەن بريفينگتە س. اسفەندياروۆ اتىنداعى قاز ۇ م ۋ يممۋنولوگيا كافەدراسىنىڭ مەڭگەرۋشىسى ەلميرا بيتانوۆا قالا تۇرعىندارىن كوروناۆيرۋسقا قارسى ۆاكسينا تۋرالى جالعان اقپاراتقا سەنبەۋگە شاقىردى، دەپ حابارلايدى قازاقپارات ءتىلشىسى.

يممۋنولوگتىڭ ايتۋىنشا، ۆاكسينادان بۇرىن انتيدەنەلەرگە تەست جاساۋ ءتيىمسىز. ويتكەنى ولاردىڭ بولۋى ۆاكسيناعا اسەر ەتپەيدى. ەلميرا بيتانوۆا كوروناۆيرۋس ينفەكسياسىن جۇقتىرعان ادامداردىڭ ۆاكسينادان باس تارتپاۋ كەرەكتىگىن ايتتى.

ۋاقىت وتە كەلە COVID-19 انتيدەنەلەرىنىڭ سانى ازايىپ، ىندەتتى قايتا جۇقتىرۋ قاۋپى بار. يممۋنولوگ ۆاكسينانىڭ ءبىرىنشى كەزەڭىنەن كەيىن يممۋنيتەت تومەندەپ، كوروناۆيرۋس ينفەكسياسىن جۇقتىرۋ قاۋپى ارتادى دەگەن اقپاراتتى جوققا شىعاردى. سونىمەن قاتار، ول جاناما اسەردىڭ قالىپتى ەكەنىن ءمالىم ەتتى. ويتكەنى ۆيرۋستىڭ ءوزى ۇلكەن ءقاۋىپ توندىرەدى. سونداي- اق ۆاكسينا ونكولوگيا مەن باسقا دا گەنەتيكالىق اۋرۋلاردى تۋدىرمايدى. بۇل شىندىققا جاناسپايتىن اقپارات ەكەنىن تىلگە تيەك ەتتى.

«ۆاكسينا يممۋندىق جۇيەنى قالىپتاستىرۋ ءۇشىن جاسالعان. بۇل تۋا بىتكەن يممۋنيتەت سياقتى. ءارى قاراي اداپتيۆتى يممۋنيتەت قالىپتاسادى. بۇل تىزبەك انتيگەنمەن العاشقى كەزدەسۋدە اياقتالادى. سودان كەيىن جادى جاسۋشالارى پايدا بولادى. ولار بىرەگەي ءارى قوزدىرعىش تۇرىندە كەلەدى. بۇل ۆاكسينانىڭ ەكى كەزەڭىن بىلدىرەدى»، - دەدى دارىگەر. ول ۆاكسينادان كەيىن تەمپەراتۋرا كوتەرىلسە، الاڭداماۋعا شاقىردى.

ايتۋىنشا، بۇل يممۋندىق جاۋاپقا ءتان رەاكسيا. يممۋنولوگ ۆاكسينا العان ادامدارعا سانيتارلىق- ەپيدەميولوگيالىق تالاپتاردى دا ساقتاۋ كەرەكتىگىن ەسكەرتتى. ويتكەنى ۆيرۋس ءالى بار. ەلميرا بيتانوۆا ۆيرۋستىڭ جابىق بولمەدە تاسىمالدانۋ قاۋپى جوعارى ەكەنىن ايتتى.

«ۆيرۋستى ءبىر بولمەدەن ەكىنشى بولمەگە تاسىمالداۋعا بولادى. ويتكەنى جاپونياداعى لاينەرلەردە ادامدار ءوز كابينالارىنان شىقپاي-اق جۇقتىرعان»، - دەدى ول. ونىڭ ايتۋىنشا، ءبىر بولمەگە ورناتىلعان جەلدەتكىش ۆيرۋس تۋدىرمايدى، ءبىراق ول سۋىق تيۋگە سەبەپ بولادى. يممۋنولوگ انتيدەنەلەر ماسەلەسىن دە قوزعادى.

«مەن قورعانۋىم كەرەك» قاعيداتىن ۇستانا وتىرىپ، سانيتارلىق نورمالاردى ساقتاپ، ۆاكسينا العان ءجون»، - دەدى دارىگەر.

Keywords: قوعام,
Up