Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

مي قارتايۋىن باسەڭدەتەتىن جەتى ءادىس انىقتالدى

17 May 2021 22:28

نۇر-سۇلتان. قازاقپارات - شۆەتسيانىڭ Svenska Dagbladet عىلىمي ۇسىنىستار نەگىزىندە ميدىڭ قارتايۋىن باسەڭدەتۋدىڭ جەتى ءادىسىن اتادى.

1. عالىمدار ءبىرىنشى كەزەكتە كوبىرەك جاتتىعۋ جاساۋعا شاقىرادى. دەنە بەلسەندىلىگى ميعا دا پايدالى.

2. ميدىڭ ءومىرىن ۇزارتۋ ءۇشىن كۇنىنە 7 ساعاتتان استام ۇيىقتاۋ قاجەت. از ۇيقى 50-60 جىلدان سوڭ ميدىڭ قارتايۋ قاۋپىن ارتتىرادى.

3. جاقسى تاماقتانۋ دا ماڭىزدى. كارولينا ينستيتۋتىنىڭ پروفەسسورى مەي-ليس حەلەننيۋس كوبىرەك كوكونىستەر، جەمىستەر، جاڭعاقتار، تسيترۋس، ءزايتۇن مايى جانە بالىق جەۋگە كەڭەس بەرەدى.

4. ارتىق سالماقتان ارىلۋ كەرەك.

5. ىشەك ميكروفلوراسىنا كۇتىم جاساۋ كەرەك. باسىلىمنىڭ مالىمەتىنشە، مي مەن ءىش قۇرىلىسى اراسىندا تۇراقتى بايلانىس بار. پسيحيكالىق دەنساۋلىققا قاجەت سەروتونين گورمونىنىڭ 90 پايىزى ىشەكتە، ون پايىزى ميدا پايدا بولادى.

6. وتباسى مۇشەلەرىمەن جاقسى قارىم-قاتىناستا بولۋ وتە ماڭىزدى، ويتكەنى وتباسىنداعى اتموسفەرانىڭ جاقسى بولۋى مي دەنساۋلىعىنا جاقسى اسەر ەتەدى.

7. عالىمدار سونىمەن بىرگە ءومىر بويى جاڭا نارسەلەردى بىلۋگە ​​ۇمتىلۋ كەرەك ەكەنىن ايتادى. ويتكەنى ىزدەنىس ميدا جاڭا جاسۋشالاردىڭ پايدا بولۋىن قامتاماسىز ەتەدى.

massaget.kz

Keywords: قوعام,
Up