Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

بايدەن جۇرت الدىندا ماسكاسىن شەشىپ، «امەريكانىڭ ۇلى كۇنىن» جاريالادى

14 May 2021 13:15

نۇر-سۇلتان. قازاقپارات - ا ق ش پرەزيدەنتى دجو بايدەن ۆاكسينا سالىنعانداردىڭ قۇقىعىن كەڭەيتۋ ءۇشىن جاڭا ەرەجەلەرگە سايكەس ماسكانى العاشقىلاردىڭ ءبىرى بولىپ شەشتى، - دەپ حابارلايدى Reuters.

ا ق ش اۋرۋلاردى باقىلاۋ جانە الدىن الۋ ورتالىعى شىعارعان جاڭا ەرەجەگە سايكەس، ۆاكسينا سالدىرعان ادامدار اشىق جەردە دە، جابىق جەردە دە ماسكاسىز جۇرە الادى.

وسىعان بايلانىستى دجو بايدەن كەڭسەدە ۆاكسينا سالدىرعان دەپۋتاتتارمەن كەزدەستى. ول ماسكانى العاشقىلاردىڭ ءبىرى بولىپ شەشتى.

«مەن بۇل ۇلى كۇن دەپ ويلايمىن. ەگەر ۆاكسينا سالدىرعان بولساڭىز ماسكاسىز جۇرە الاسىز»، - دەدى بايدەن.

جاڭا ەرەجە بويىنشا، ۆاكسينا سالدىرعان امەريكالىقتار ساپارعا شىققاندا كارانتيندە جاتۋ مىندەتىنەن بوساتىلادى، كوروناۆيرۋستى انىقتايتىن تەست تاپسىرمايدى.

بۇل ەرەجەلەر ناۋقاستار سانى ازايۋى مەن جاستاردىڭ ۆاكسينا سالدىرا باستاۋى جانە ۆاكسينانىڭ تيىمدىلىگەنە نەگىزدەلىپ جاسالعان.

اق ءۇي باسشىسى امەريكالىقتاردى ۆاكسينا سالدىرۋعا جانە كوروناۆيرۋسپەن كۇرەستى توقتاتپاۋعا شاقىردى.

سونىمەن قاتار، CDC وكىلدەرى تولىق ۆاكسيناتسيالانعان ادامدار، ەگەر مەملەكەتتىك، ۋەزدىك، قالالىق دەڭگەيدە نەمەسە فەدەرالدى، اۋماقتىق زاڭدارعا سايكەس تالاپ ەتىلسە، ماسكا تاعۋ كەرەگىن، سونىمەن قاتار، جەكە كومپانيالار، سونىڭ ىشىندە جۇمىس بەرۋشىلەر بەلگىلەگەن ەرەجەلەردى ساقتاۋ كەرەگىن مالىمدەدى.



Keywords: الةم,
Up