Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

كوروناۆيرۋسقا قاتىستى الەمدەگى احۋال

13 May 2021 21:12

نۇر-سۇلتان. قازاقپارات - ۇلى بريتانيا كوروناۆيرۋسقا بايلانىستى ەنگىزگەن شەكتەۋلەردى جەڭىلدەتۋدە.

دانيا حالىقتى جاپپاي تەستىلەۋدەن وتكىزىپ جاتىر، دەپ حابارلايدى قازاقپارات.

ۇلى بريتانيا بىرتىندەپ قالىپتى ومىرگە ورالا باستادى. مۇندا 17- مامىردان باستاپ پابتار، بارلار مەن مەيرامحانالار كليەنتتەرگە تەك تەرراسسالاردا عانا ەمەس، سونىمەن قاتار ءۇي-جايلاردىڭ ىشىندە دە قابىلداي الادى. اشىق اۋادا 30 ادامعا دەيىن توپتىق جينالۋعا رۇقسات ەتىلەدى. كينوتەاترلار جۇمىسىن قايتا باستايدى.




ال يرلانديادا بيلىكتىڭ جوسپارى بويىنشا رەسپۋبليكانىڭ مىڭداعان ازاماتى ۇزاق مەرزىمدى وقشاۋلانۋدان كەيىن جۇمىس ورىندارىنا ورالادى.

دۇكەندەر، مادەني مەكەمەلەر، مۇراجايلار كەزەڭ- كەزەڭىمەن اشىلادى. بيلىك بۇل جەڭىلدىكتەر حالىققا جاڭا سەرپىن بەرەتىنىنە ءۇمىتتى.




يتاليانىڭ بارلىق ءوڭىرى كوروناۆيرۋستىڭ تارالۋ قاۋپى تومەن «سارى» ايماقتا ورنالاسقان. ەلدىڭ ءبىرقاتار وڭىرىندە شەكتەۋلەر جەڭىلدەتىلدى.

ال سيتسيليا، ساردينيا جانە ۆاللە- د'اوستا تۇرعىندارى ءۇشىن قاتاڭ كارانتين رەجيمى ءالى ءبىر اپتاداي ساقتالادى.




دانيالىقتار كوروناۆيرۋستى تەستىلەۋ پۋنكتەرىندە جاپپاي تەكسەرىلۋدە. بيلىك تاڭداعان ستراتەگياعا سايكەس بۇل پروتسەسس كارانتين تالاپتارىن جەڭىلدەتۋمەن قاتار جۇرگىزىلەدى.

تەرىس ناتيجەلى پ ت ر- تەست جانە ەكپە العاندىعى تۋرالى سەرتيفيكاتتىڭ بولۋى جەرگىلىكتى مەيرامحانالارعا، سپورت زالدارىنا، كينوتەاترلار مەن جۇمىسىنا رۇقسات ەتىلگەن وزگە دە مەكەمەلەرگە ەش كەدەرگىسىز كىرۋگە مۇمكىندىك بەرەدى.


Keywords: الةم,
Up