Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

وزبەكستاننىڭ سامارقان قالاسىندا تۋريستىك ورتالىق قۇرىلۋدا

19 April 2021 17:29

تاشكەنت. قازاقپارات - بۇگىن وزبەكستان رەسپۋبليكاسى پرەزيدەنتىنىڭ باسپا ءسوز حاتشىسى شەرزود اسادوۆ سامارقان قالاسىن ميلليون تۇرعىنى بار قالاعا اينالدىرۋ بويىنشا وتكىزىلىپ جاتقان جۇمىستار تۋرالى ايتتى، دەپ حابارلايدى قازاقپارات ءتىلشىسى.

پرەزيدەنتتىڭ رەسمي وكىلى شاۆكات ميرزييەۆتىڭ سامارقان وبلىسىنا جاساعان جۇمىس ساپارىنىڭ قورىتىندىلارى تۋرالى ايتىپ بەردى.

«بەيسەنبى كۇنى وزبەكستاننىڭ مەملەكەت باسشىسى سامارقان وبلىسىنا باردى. ءبىز وندا وتكىزىلىپ جاتقان كولەمدى جۇمىستىڭ كۋاگەرلەرى بولدىق. مىسالى، سامارقان اۋدانىندا ءبىزدىڭ تاريحىمىز جانە مادەنيەتىمىزدىڭ ايناسىنا، «جاڭا وزبەكستان» يدەياسىنىڭ بەينەسىنە اينالاتىن تۋريستىك ورتالىق قۇرىلىپ جاتىر. ورتالىق حالىقارالىق كونگرەس- حولل، «ماڭگىلىك قالا» كەرۋەن سارايى، 8 ءتورت جانە بەسجۇلدىزدى قوناقۇي، تەماتيكالىق ساياباقتار، دەمالىس جانە ويىن- ساۋىق ايماقتارى، قولونەر ورتالىعى جانە جاساندى كولدەردەن تۇرادى»، - دەدى ش. اسادوۆ.

سپيكەر سونداي- اق بولاشاقتا قالادا حالىقارالىق اۋەجاي سالىناتىنىن، وندا قۇنى 40 ميلليون دوللار كارگو- ورتالىق بولاتىنىن جانە جاڭا اۋدانداردا تۇرعىن ۇيلەر بوي كوتەرەتىنىن اتاپ ءوتتى. ونىڭ ايتۋىنشا، 2021-2022 -جىلدارى سامارقان وبلىسىندا جالپى قۇنى 30,4 تريلليون سومعا 1279 ينۆەستيتسيالىق جوبانى ىسكە اسىرۋ بەلگىلەنگەن. 1,8 ميلليارد دوللارعا تىكەلەي شەتەلدىك ينۆەستيتسيالار يگەرىلىپ، 26 مىڭ تۇراقتى جۇمىس ورنىن قۇرۋ جوسپارلانىپ وتىر.

ەسكە سالساق، وزبەكستاندا تۋريزم جانە سپورت مينيسترلىگى قۇرىلعانى تۋرالى حابارلاعان بولاتىنبىز. اۆتور: زارينا تۋعانبايەۆا


Keywords: الةم,
Up