Weather
Astana +7 °С
Almaty +14 °С
Exchange rates
USD 421.58
EUR 496.83
RUB 5.53
CNY 62.20

ۇيعىر جازۋى ەمەس نايمان- موڭعول جازۋى

18 October 2021 16:56

نۇر- سۇلتان. قازاقپارات - «اتامەكەن» ەتنو- مەموريالدىق كەشەنىندە وقىرماندارمەن كەزدەسۋ بارىسىندا فيلولوگيا عىلىمدارىنىڭ دوكتورى، ابايتانۋشى، الاشتانۋشى، جازۋشى تۇرسىن جۇرتباي ەل تاريحىن زەرتتەۋگە قاتىستى پىكىرىن ءبىلدىردى.

عالىم كەزدەسۋ بارىسىندا حالقىمىز قولدانعان الىپبيلەر جايلى ايتا كەلە: «بىزدە تاريحتى وقىتۋ كەزىندە «ۇيعىر جازۋى» دەپ وقىتادى. تاريحتا ۇيعىر جازۋى دەگەن مۇلدە جوق. دۇرىسى «نايمان- موڭعول جازۋى».

ويتكەنى، ءدال وسى جازۋ شىققان تۇستا نايمانداردىڭ تاريح ساحناسىندا سالتانات قۇرعانى بەلگىلى. ال، جازۋلاردىڭ بارلىعى نايماندار مەكەندەگەن اۋماقتاردان تابىلدى. ەندى نەگە ءبىز ونى «ۇيعىر جازۋى» دەپ اتاۋىمىز كەرەك؟! بۇل مەن ۇسىنعان ءبىر عانا دەرەك. ونىڭ نايمان- موڭعول جازۋى ەكەنىن دالەلدەيتىن دەرەكتەر جەتىپ ارتىلادى. ۇيعىر جازۋى دەپ اتاپ جۇرگەن ورىس زەرتتەۋشىلەرى. كەڭەستىك يدەولوگيا مۇنى سانامىزعا ابدەن ءسىڭىردى. قازاقتا بۇرىن جازۋ، وركەنيەت بولماعان دەپ، ۇلتتىق قۇندىلىقتارىمىزدى وزگەلەردىڭ قورجىنىنا سالىپ بەردى» دەپ ءوز پىكىرىمەن ءبولىستى.

Baq.kz





Up