Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

الەكسەي سوي وميكرون شتامىنىڭ قازاقستانعا كەلۋ ىقتيمالدىعى تۋرالى پىكىر ءبىلدىردى

7 December 2021 13:40

نۇر-سۇلتان. قازاقپارات – ق ر دەنساۋلىق ساقتاۋ ءمينيسترى الەكسەي سوي وميكرون شتامىنىڭ قازاقستانعا كەلۋ ىقتيمالدىعى تۋرالى پىكىر ءبىلدىردى، دەپ حابارلايدى قازاقپارات ءتىلشىسى.

«قازىر ەڭ باستى ماسەلە مونيتورينگ بولىپ وتىر. سەبەبى ازىرگە جاڭا شتامم تولىق زەرتتەلىپ بىتكەن جوق. الەمدە ءتۇرلى شتامدار پايدا بولىپ جاتقانىن ءبىلىپ وتىرسىزدار. ءبىرىنىڭ ورنىن ءبىرى الماستىرىپ جاتىر - ليامبدا، ودان كەيىن Eta-شتامم... ءار شتامعا ەرەكشە نازار اۋدارۋعا ءماجبۇرمىز. ءار پايدا بولعان شتامنىڭ قالاي تارايتىنىن العاش پايدا بولعان ەلدەگى جاعدايعا قاراپ ءتۇسىنۋدىڭ ماڭىزى زور. جاقىندا عانا جەنەۆادا بولىپ، دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورىمەن كەزدەستىك. سول كەزدە بۇل شتامدى زەرتتەيتىن جۇمىس توبى قۇرىلعانى ايتىلدى. ەڭ باستىسى، بۇل شتامنىڭ سوڭى پاندەمياعا ۇلاسپاعانى كەرەك. ياعني، ەل ىشىندە تارالۋىن باقىلاۋدا ۇستاۋ ماڭىزدى»، - دەدى مينيستر ب ا ق وكىلدەرىنە بەرگەن سۇحباتىندا.

ونىڭ ايتۋىنشا، قازىر بۇكىل الەم قاۋىمداستىعىنىڭ مىندەتى - شتامنىڭ قانشالىقتى جۇقپالى ەكەنىن، ونىڭ قالاي ارەكەت ەتەتىنىن، ونىڭ كلينيكالىق كورىنىستەرىن جانە ادامدار ءۇشىن قانشالىقتى قاۋىپتى ەكەنىن باقىلاۋ.

«ازىرگە سەنىمدى دەرەكتەر جوق. تەك جەكەلەگەن دەرەكتەر بار. ەپيدەميولوگيالىق مونيتورينگ جۇيەسى جۇمىس ىستەپ جاتىر. ءبىز اي سايىن شەتەلدەن كەلگەن، اسىرەسە، تالداۋ قورىتىندىسى سىرقات بار ەكەنىن كورسەتكەن ازاماتتاردان سىنامالار الىپ وتىرمىز. تيىسىنشە، حالىقارالىق مالىمەتتەر بازاسى ارقىلى بۇل سىنامالاردىڭ ۆيرۋس شتامىنىڭ قايسىسىنا جاتاتىنى تەكسەرىلەدى. سوندىقتان، جاقىن ارادا ءبىز ناقتى قورىتىندى الامىز، سونىڭ نەگىزىندە ءبارى تۇسىنىكتى بولادى. ۆيرۋستىڭ بۇل شتامى قازاقستانعا كەلگەن كۇننىڭ وزىندە ونىڭ تابيعاتىن، تارالۋ ءتاسىلىن ءتۇسىنۋ ماڭىزدى»، - دەدى الەكسەي سوي.

Up