Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

جەلتوقسان وقيعاسىنا قاتىسقان الماتىلىقتارعا قانشا تەڭگەدەن بەرىلەدى؟

29 November 2021 20:44

الماتى. قازاقپارات - الماتىدا جەلتوقسان وقيعاسىنا قاتىسقاندارعا 150 مىڭ تەڭگەدەن ۇلەستىرىلەدى، دەپ حابارلايدى قازاقپارات ءتىلشىسى.

الماتى اكمىنىڭ ورىنباسارى ماقسات قيقىموۆتىڭ ايتۋىنشا، ق ر تاۋەلسىزدىك كۇنىن مەرەكەلەۋ قارساڭىندا اكىمدىك ءتيىستى قۇجاتى بار جەلتوقسان وقيعاسىنا قاتىسۋشىلارعا جىل سايىن ءبىرجولعى الەۋمەتتىك كومەك تولەيدى (150 مىڭ تەڭگە).

قازىرگى ۋاقىتتا ساناتورلىق-كۋرورتتىق ەمدەۋدى ۇسىنۋ ماسەلەسى قاراستىرىلىپ جاتىر. الەۋمەتتىك قورعاۋ ماقساتىندا الماتى قالاسىندا تىركەلگەن جانە تۇراتىن باسقا مەملەكەت اۋماعىنداعى ۇرىس قيمىلدارىنىڭ ارداگەرلەرىنە:

- ساناتورلىق-كۋرورتتىق ەمدەلۋ - جان باسىنا شاققانداعى ورتاشا تابىستى ەسەپكە الماي، مەملەكەتتىك بازالىق زەينەتاقى تولەمىن ەسەپكە الماي، الاتىن زەينەتاقى مولشەرىنىڭ %25 ىن تولەي وتىرىپ؛

- ۇلى وتان سوعىسىنداعى جەڭىس كۇنىنە وراي 100 مىڭ تەڭگە مولشەرىندە ءبىرجولعى الەۋمەتتىك كومەك كورسەتۋ.

- سونداي-اق، الماتى قالاسىندا قالالىق قوعامدىق كولىكتە (تاكسيدەن باسقا) ءجۇرۋ ءۇشىن جەڭىلدىكتى ەلەكتروندىق كولىك كارتاسى ەنگىزىلدى (تەگىن).

بۇعان دەيىن نۇر-سۇلتان قالاسىنىڭ ءماليحات دەپۋتتاتارى جەلتوقسان وقيعاسىنا قاتىسقان ەلوردالىقتارعا الەۋمەتتىك كومەك كورسەتۋ جوباسىن ماقۇلداعان بولاتىن.

Keywords: ايماق,
Up