Weather
Нур-Султан +7 °С
Almaty +14 °С
Exchange rates
USD 449.85
EUR 485.43
RUB 5.71
CNY 70.69

كوروناۆيرۋستىڭ جاڭا ءتۇرى: الەم ەلدەرى شەكارالارىن جاۋىپ جاتىر

27 November 2021 14:56

نۇر-سۇلتان. قازاقپارات - جەنەۆاداعى دۇنيەجۇزىلىك دەنساۋلىق ساقتاۋ ۇيىمىنىڭ شۇعىل وتىرىسىندا كوروناۆيرۋس مۋتانتى رەسمي VOC (قاۋىپ تۋدىراتىن نۇسقا) دەپ جىكتەلدى، دەپ حابارلايدى قازاقپارات bbc -گە سىلتەمە جاساپ.

«بۇل نۇسقادا وتە كوپ مۋتاتسيا بار، ولاردىڭ كەيبىرى اسا قاۋىپتى. الدىن الا مالىمەت بويىنشا، بۇل ءتۇرىنىڭ باسقا شتاممدارمەن سالىستىرعاندا قايتا جۇقتىرۋ قاۋپى جوعارى [VOC]. سونداي-اق بۇل ءتۇرى بۇعان دەيىنگى ينفەكسيالارعا قاراعاندا تەز تارالادى»، - دەپ اتاپ ءوتتى د د س ۇ.

جۇما كۇنى تاڭەرتەڭنەن باستاپ الەم ەلدەرى شەكارادا شەكتەۋ شارالارىن كۇشەيتە باستادى. وڭتۇستىك افريكادا تابىلعان جانە B. 1.1.529 دەپ اتالاتىن كوروناۆيرۋستىڭ جاڭا قاۋىپتى ءتۇرىن ءوز اۋماعىنا اكەلۋگە جول بەرمەۋگە تىرىسىپ جاتىر. قازىرگى ۋاقىتتا كوروناۆيرۋستىڭ جاڭا ءتۇرىن 100-گە جۋىق ادام جۇقتىرعان، ولاردىڭ كوپشىلىگى وڭتۇستىك افريكانىڭ گاۋتەنگ پروۆينسياسىندا. رەسەيدەن بولەك، ا ق ش، ۇلى بريتانيا، گەرمانيا، يتاليا، يزرايل، سينگاپۋر، فرانسيا، چەحيا جانە جاپونيا دا افريكا ەلدەرىنىڭ ازاماتتارىنا ەلگە كىرۋگە تىيىم سالدى.

«وميكرون» ەۋروپاعا دا جەتكەن: العاشقى جاعداي بەلگيادا تىركەلدى. ەۋروكوميسسيا باسشىسى ۋرسۋلا فون دەر ليايەن بارلىق ەۋروپا ەلدەرىن ۆيرۋستىڭ جاڭا ءتۇرى تابىلعان ەلدەردەن كەلەتىن تۋريستەردى ۋاقىتشا كىرگىزبەي تۇرۋعا شاقىردى.

«قازىر ەۋروپادا ءبارىمىز وتە تەز، باتىل جانە ۇيلەسىمدى ارەكەت ەتۋىمىز كەرەك»، - دەدى ول. ەسكە سالساق، وڭتۇستىك افريكا رەسپۋبليكاسىندا كوروناۆيرۋستىڭ 1.1.529 اتاۋى بار جاڭا مۋتاتسياسى انىقتالعان ەدى. بۇل نۇسقا بۇرىنعىلارعا قاراعاندا الدەقايدا جۇقپالى جانە ۆاكسينالاردىڭ وعان اسەرى ءتيىمسىز بولۋى ابدەن مۇمكىن ەكەندىگى ايتىلدى. كوروناۆيرۋستىڭ قاۋىپتى دەلىنگەن جاڭا شتامىنا «وميكرون» دەگەن اتاۋ بەرىلدى.

اۆتور: اقبوپە ءابدراسۋل

Keywords: الةم,
Up